DəmirBank plastik kart istifadəçilərinə yeni təkmilləşdirilmiş qaydada PIN-Change xidmətini təqdim edib. Bu xidmət plastik kart sahiblərinə kartın PİN şifrəsini istəklərinə uyğun yeni şifrə ilə əvəz etmək imkanı verir.

İyunun 29-da Rabitəbank ASC-nin Ağsu rayonunda yeni filialının açılış mərasimi keçirildi. Bu, 2013-cü ilin əvvəlindən başlayaraq Bankın müştərilərinin xidmətinə verdiyi sayca ikinci yeni filialıdır.

1993-cü ildə əsası qoyulmuş «Rabitəbank» hazırda Azərbaycanda mikro və kiçik biznesə kreditlərin verilməsi sahəsində aparıcı banklardan biridir.

 Azərbaycanın «Unibank» ASC-də fiziki şəxslərin əmanətlərinin ümumi həcmi 300 mln. manata çatıb ki, bu da tarixi maksimumdur.

Rusiyanın «RİA Reytinq» reytinq agentliyi tərəfindən hazırlanan MDB ölkələrinin ən iri 100 bankın siyahısında Azərbaycan Beynəlxalq Bankı (ABB) bir pillə irəliləyərək 34-cü yeri tutub.

Bundan belə Hyundai, Jeep, Chrysler, Peugeot, Geely, Dodge sahibləri avtomobillərinin ehtiyat hissələrini və servis xərcini Bolkart-la ödəyə bilərlər. Bu, qeyd olunan avtomobil markalarının Azərbaycandakı rəsmi distribütoru olan “Auto Azerbaijan” şirkəti ilə “Bank of Baku” arasında əldə edilmiş razılaşma sayəsində mümkün olub.

Unibank 2 iyul - Azərbaycan Polisi Günü münasibətilə, bütün daxili işlər orqanlarının əməkdaşlarını təbrik edir. Avqustun 15-dək Unibank-dan kredit götürən bu peşə sahiblərinə 2% endirim ediləcək. Kreditin maksimal məbləği 7.500 AZN, ödəniş müddəti isə 48 ayadəkdir. Üstəlik kampaniya çərçivəsində kredit götürən polislərə böyük imtiyazlar verən üzvlük kredit kartları hədiyyə ediləcək.

AGBankın artıq uzun müddət keçirdiyi Uduşlu Kupon kampaniyasının növbəti qalibləri, Şərifli Səməd Əlibala oğlu, Ağayev Oqtay Əlimirzə oğlu, Novruzov Qəşəm Ziyafət oğlu, Səfərova Səbinə Malik qızı, Məmmədli Elşən Xalid oğlu oldular.Bütün qaliblər 200 AZN-lik kupon əldə ediblər. Digər bankların müştəriləri olan qaliblər, AG Bank-ın ATM -lərindən istifadə etmiş və qalib olmuşlar.    AGBank-ın keçirdiyi və ölkədə bənzəri olmayan bu kampaniya çərçivəsində AGBank – ın bankomatlarına 500 və 200 manatlıq kuponlar yerləşdirilir.

İndi Azərbaycanın ən iri banklarından biri sayılan “Bank Standard” MilliÖN ödəmə sisteminə qoşuldu. Bu ödəmə sistemilə əməkdaşlıq sayəsində “Bank Standard” öz müştərilərinə kredit ödəmələrini hazırda sayı 1100-ə çatan terminal şəbəkəsilə həyata keçirmək imkanı yaradır. Krediti ödəmə terminalı vasitəsilə həyata keçirmək üçün “Bank xidmətləri” bəndini seçərək “Bank Standard” işarəsini basmaq lazımdır.

Müştərilərə operativ xidməti  təmin etmək məqsədilə “Muğanbank” ASC-nin Bakı şəhərində yerləşən “İnvest” filialı yeni ünvana köçmüşdür. Bankın filialı müştəriləri yeni ünvanda: Yasamal rayonu, Ə.Cəmil küçəsi 51-də qəbul edəcəkdir. Əlaqə telefonları   (+994 12) 433 04 47; faks: (+994 12) 433 04 48.