Hər bir insanın daxilində bir dəfə də olsun dünya turuna çıxmaq istəyi var. Bu səyahət insanı xoşbəxt etdiyi kimi ölkə iqtisadiyyatına da təsirsiz ötüşmür. Bir turist getdiyi ölkədə həm oteli, həm kafe, restoranları, həm də nəqliyyatı qazanır. Turizmin bu qədər gəlirliliyi və digər sahələrə təsiri ölkələri bu sahənin inkişafı üçün investisiya etməyə sövq edir. 

Turizmdən ən çox gəlir edən ölkələrin birincisi elə ABŞ-dır ki, o hər il turizmdən 244 708 milyon dollar gəlir əldə edir. Turizmdən daha çox gəlir əldə edənlər sırasında Avropa ölkələri üstünlük təşkil edir. 

Ən ox turizmdən gəlir əldə edən ölkələrə daha çox turistlər gəlir düşünülə bilər. Bu turistlərin sayından başqa ölkədə qiymət səviyyəsindən də asılıdır. ABŞ ən çox gəlir əldə edən ölkə olsa da, turistlərin sayına görə 3-cü yerdə durur. Eyni zamanda, Çinə gələn turistlərin sayı 63 milyon olmağına baxmayaraq, bu sahədən əldə olunan gəlirə görə 7-ci yerdədir. Həmçinin Birləşmiş Krallıq turist sayına görə TOP-10 siyahıda sonuncu olsa da, gəlirlərinə görə 3-cü yerdədir.

Azərbaycanın  turizm gəlirləri isə 2018-ci ildə 2.6 milyard dollar olub. Turistlərin sayı isə 6% artaraq 2.8 milyon olub.  Bəs bu qədər turist ölkəmizə hansı məqsədlərlə gəlir?

Azərbaycana gələn bu turistlərin təxminən yarısına qədəri istirahət və əyləncə məqsədilə gəlir. Gələn turistlərin 787 mini işlə bağlı səfər edənlərdir. Qohum, tanış və dostlara baş çəkməyə gələnlər isə 652 min nəfərdir. Qalan digər turistlər isə müalicə, müqəddəs yerləri ziyarət etmək və s. məqsədlərə Azərbaycana üz tuturlar.

Xaricə gedən azərbaycanlılar isə 2019-cu ilin birinci yarısında 3 milyonu keçib. Azərbaycanlı turistlər də daha çox xaricə istirahət məqsədi ilə gedir.Lakin digərlərindən fərqli olaraq, müalicə və müqəddəs yerlərin ziyarəti üçün xaricə yollanan vətəndaşlarımız daha çoxdur.

Tərlan Qəhrəmanova, Banco.az