İnternetdən ən çox nə üçün və harda istifadə edirik?

XX əsrin ikinci yarısında kəşf olunsa da, internet bu gün həyatımızın ayrılmaz hissəsinə çevrilib. Dünyada 7.7 milyard əhalinin yaşadığını nəzərə alsaq, hal-hazırda onun 58.8%-i internetdən istifadə edir. Dünyada ən çox istifadə edənlər Şimali Amerika və Avropada yaşayanlardır ki , Şimali Amerika əhalisinin 89.4%-i, Avropanın isə 87.7%-i internetdən istifadə edir. Ən az istifadə edənlər isə Afrika qitəsində yaşayanlardır ki, burda əhalinin yalnız 39.6%-i internetdən istifadə edir. İnternetdən ən çox istifadə edən ölkələr Çin və Hindistandır. Azərbaycana qonşu ölkələr olan Rusiya, Türkiyə və İran da internet istifadəçilərinin sayına görə ilk 20 ölkə sırasındadır.

№	Ölkələr	Əhali sayı	İnternet istifadəçilərinin sayı	İnternet istifadəçilərinin əhali sayına nisbəti
1	Çin	1 420 062 022	829 000 000	58%
2	Hindistan	1 368 737 513	560 000 000	41%
3	ABŞ	329 093 110	292 892 868	89%
4	Braziliya	212 392 717	149 057 635	70%
5	İndoneziya	269 536 482	143 260 000	53%
6	Yaponiya	126 854 745	118 626 672	94%
7	Nigeriya	200 962 417	119 506 430	59%
8	Rusiya	143 895 551	109 552 842	76%
9	Banqladeş	168 065 920	94 445 000	56%
10	Meksika	132 328 035	88 000 000	67%
11	Almaniya	82 438 639	79 127 551	96%
12	Türkiyə	82 961 805	69 107 183	83%
13	Filippin	108 106 310	67 000 000	62%
14	Vyetnam	97 429 061	64 000 000	66%
15	Birləşmiş Krallıq	66 959 016	63 356 621	95%
16	İran	82 503 583	62 702 731	76%
17	Fransa	65 480 710	60 421 689	92%
18	Tayland	69 306 160	57 000 000	82%
19	İtaliya	59 216 525	54 798 299	93%
20	Misir	101 168 745	49 231 493	49%

Ən sərfəli kredit üçün müraciət et

Azərbaycanda isə əhalinin təxminən 80%-i internet istifadəçisidir. Bu faizə daxil olanların 40.4%-i 24 yaşadək olanlardır. Bundan sonra ən çox internet istifadə edənlər 35-64 yaş aralığına daxil olanlardır. 25-34 yaşı olanlar isə ümumilikdə internet istifadəçilərinin 26.3%-ni təşkil edir. 64 yaşda yuxarı internet istifadəçiləri isə sadəcə 0.1% təşkil edir.

İstifadə məkanına görə isə internet istifadəçilərinin 69%-i evdə, 18%-i isə iş yerlərində istifadə edirlər.

İstifadə məqsədi gəldikdə isə ən çox internetdən istifadə edənlər informasiya axtarmaq məqsədi ilə istifadə edirlər. 29.5% istifadəçi isə bu resursdan əlaqə yaratmaq məqsədi ilə istifadə edir. Elektron hökumətin qurulması ilə 14.8% istifadəçi internet vasitəsilə hakimiyyət orqanlarından informasiya əldə edir, sənədləri yükləyir və göndərir. Bu şəxslər arasında 6.9%-i isə təhsil məqsədi ilə internetdən istifadə edir.