Müəllif: Tamara Mustafayeva, Banco.az
Avrozonada inflyasiya 2021-ci ildən bəri ilk dəfə hədəf səviyyədən aşağıdır.
Banco.az xəbər verir ki, Avrozona inflyasiyası 2021-ci ildən bəri ilk dəfə olaraq illik 1,8 faizlə Avropa Mərkəzi Bankının (ECB) hədəflədiyi səviyyədən aşağı düşüb.
Avropa Statistika Təşkilatının (Eurotat) məlumatına görə, sentyabr ayında Avrozonada inflyasiya illik 1,8 faiz artıb. Avqustda inflyasiya 2,2 faiz təşkil edirdi.
“Bloomberg” nəşrinin sorğusunda iştirak edən iqtisadçıların proqnozu 1,8 faiz idi.
Beləliklə, inflyasiya 2021-ci ildən bəri ilk dəfə olaraq ECB-nin 2 faizlik hədəfindən aşağı düşüb.
Sentyabrda aylıq inflyasiya isə 0,1 faiz azalıb və dəyişiklik gözlənilmir.
Baza inflyasiyası da proqnozlara uyğun olaraq 2,8 faizdən 2,7 faizə düşüb.
Qeyd edək ki, məlumatlar ECB-nin faiz dərəcələrini azaltmağa davam edəcəyi ilə bağlı gözləntiləri gücləndirib. Valyuta bazarlarında bu ayki iclasda faiz endirilməsi təxminən 90 faiz səviyyəsində qiymətləndirilir.
Bizi sosial şəbəkələrdən izləyin!!
