Unibank Azərbaycan xanımlarını 8 Mart Beynəlxalq Qadınlar günü münasibəti ilə təbrik edir və onlara ən xoş arzularını çatdırır. 8 mart qeyri-iş günü olsa da, bank filialları müştərilərinin xidmətində olacaq.
“Bank of Baku” və “Romantic” mağazalar şəbəkəsi Bolkart sahibləri üçün bayramqabağı hədiyyə təqdim edirlər. 7,8,9 mart tarixlərində Bolkartla “Romantic” mağazalarında 75 manatdan artıq alış-veriş edən hər kart sahibi sərf etdiyi məbləğin 20%-i dəyərində hədiyyə qazanacaq. Bundan savayı, bu üç gün ərzində kart sahibləri aldıqları malın dəyərini 6 aya deyil, 12 aya ödəmə imkanı əldə edəcək.
“MobilBank” xidmətləri NBC Bank tərəfindən təklif olunan məhsul və xidmətlərin İnternet vasitəsilə cəld, etibarlı və təhlükəsiz şəkildə istifadəsinə şərait yaradır. “MobilBank” xidməti şəxsi bank hesabını mobil telefonla idarə etməyə və bir sıra əməliyyatlar (balansı yoxlamaq, çıxarış əldə etmək, kommunal ödənişlər etmək, pul köçürmək və s.) aparmağa imkan verir.
Gəncə şəhərində “AtaBank” ASC-nin yeni şöbəsinin açılışı olub. Totanlı küçəsində yerləşən Mərkəzi Klinika Gəncə Xəstəxanası daxilində fəaliyyət göstərən şöbə fiziki və hüquqi şəxslərə geniş spektr bank xidmətləri göstərir.
Worldcard-dan xanımlara şad xəbər.
Yapı Kredi Bank dəyərli xanımlarımızı 8 mart Qadınlar Günü münasibəti ilə təbrik edir və bu bayramda da xanımlarımızı yeni kampaniyalarla sevindirir.
“FINCA Azerbaijan” Qeyri-Bank Kredit Təşkilatı 8 Mart Beynəlxalq Qadınlar Günü münasibətilə 3-14 mart tarixlərində xüsusi kampaniyanın icrasına başlamışdır. Bu dövr ərzində “FINCA Azerbaijan”dan kredit götürən bütün xanım müştərilər 4%-dək endirimlərdən faydalana biləcəklər.
Artıq Hövsan qəsəbəsinin sakinlərinin də öz bankı var. Unibank daha bir filialını Hövsanda açdı. Qəsəbənin lap mərkəzində yerləşən yeni filial, ərazidə yaşayan paytaxt sakinlərinin yüksək keyfiyyətli və səmərəli bank xidmətlərinə tələbatını ödəyəcək. Hövsan filialı, pərakəndə kreditlərin verilməsiylə məşğul olacaq. Həmçinin kiçik və orta biznesin maliyyələşdirilməsi üçün kreditlərin ayrılmasını həyata keçirəcək.
Azərbaycanın ən populyar kredit kartı olan Bolkart istifadəçilərinin sayı 200.000-i aşıb.
2011-ci ilin sonu “Bank of Baku” tərəfindən kütləvi dövriyyəyə buraxılan Bolkart, ötən müddət ərzində əhali arasında böyük populyarlıq qazanıb və bu gün artıq 200.000-dən çox insan bu kredit kartından gündəlik istifadə edir.
