Müəllif: Tamara Mustafayeva, Banco.az
“YouTube” başqa bir tətbiqə ehtiyac olmadan oyun oynamağa imkan verən “Playables”i elan edib.
Banco.az xəbər verir ki, “YouTube” platforması istifadəçilərin birbaşa “YouTube” tətbiqində və ya veb saytında seçilmiş oyunları pulsuz oynaya biləcəyi “Playables”in işə salınması ilə "oynamaq" ideyasına yeni baxış gətirir.
Qeyd edək ki, “Playables”in istifadəyə verilməsi ötən ilki uğurlu sınaqdan sonra baş verir. Bundan sonra isə tətbiq “Android”, “iOS” və masaüstü brauzerlərdə daha geniş auditoriyaya təqdim olunacaq.
Bu yenilik sayəsində istifadəçilər artıq video yükləmələri bir kənara qoyub dərhal 75-dən çox oyunu rahat şəkildə oynaya bilərlər. Hazırda oyunlara “Angry Birds Showdown”, “Cut the Rope”, “Words of Wonders”, “Tomb of the Mask”, “Trivia Crack” və “Chess Classic” daxildir.
ABŞ, Böyük Britaniya, Kanada və Avstraliyadakı istifadəçilər bu funksiyanı tezliklə öz “YouTube” tətbiqlərində görəcəklər. Tətbiqin növbəti aylarda daha geniş şəkildə istifadəyə verilməsi planlaşdırılır.
Bizi sosial şəbəkələrdən izləyin!!
