Müəllif: Tamara Mustafayeva, Banco.az
25-34 yaş arası iştirakçılar Olimpiya Oyunları kimi məşhur tədbirlər zamanı sosial mediadan həmişəkindən daha çox istifadə edirlər.
Banco.az xəbər verir ki, "re:act" rəqəmsal agentliyi tərəfindən aparılan araşdırmaya görə, 25-34 yaş arası respondentlərin demək olar ki, üçdə ikisi (62 faizi) Olimpiada kimi məşhur tədbirlər zamanı sosial mediadan həmişəkindən çox istifadə etdiklərini deyir.
16-24 yaş arası iştirakçılar üçün bu nisbət 53 faiz olaraq təyin olunur.
Araşdırma televiziyada yayımlanan realiti şoular kimi böyük mədəni tədbirlər zamanı sosial mediadan istifadənin hələ yüksək olmadığını müəyyən etsə də, istifadəçilərin əlamətdar günlərdə sosial mediaya daha tez-tez baş çəkdiyini ortaya qoyur.
Bu araşdırmanın nəticəsindən sonra "Censuswide" Böyük Britaniyada yaşayan 2005 milli miqyasda təmsil olunan istehlakçılara baxış vərdişlərini və sosial media ilə qarşılıqlı əlaqəni, habelə mühüm tədbirlər zamanı brend fəaliyyətlərini əhatə edən müxtəlif suallar verib.
Sorğuda iştirak edənlərin 31 faizi sosial mediada hansısa marka ilə əlaqə saxlamağın həmin markadan satın alma ehtimalını artırdığı ilə razılaşır. Bu, 25-34 yaş arası respondentlərin yarıdan çoxuna (57 faiz), 16-24 yaş arası respondentlərin 48 faizinə və 35-44 yaş arası respondentlərin isə 43 faizinə aiddir.
Bizi sosial şəbəkələrdən izləyin!!
