Müəllif: Fərid İslamov/Banco.az
Britaniya-Hollandiya enerji şirkəti Shell 2024-cü ildə yanacaqdoldurma məntəqələri şəbəkəsini 500 ədəd, 2025-ci ildə isə eyni həcmdə azaltmağı planlaşdırır, şirkətin bəyanatında deyilir.
Bu yanacaqdoldurma məntəqələrinin bəziləri birbaşa Shell-ə, digərləri isə birgə müəssisələrə məxsusdur. Mülkiyyətdə yanacaqdoldurma məntəqələrinin payı, şirkətin iştirakını azaltmaq niyyətində olduğu ölkələr açıqlanmır.
Eyni zamanda, Shell ABŞ-da yanacaqdoldurma məntəqələri şəbəkəsini genişləndirir. Bir sözçünün Neft Qiymətləri İnformasiya Xidmətinə (OPIS) dediyinə görə, firma 49 ştatda 180-ə yaxın yanacaqdoldurma məntəqəsinə sahibdir və fevral ayında Nyu Meksikoda daha 45 yanacaqdoldurma məntəqəsi almaq üçün müqavilə bağlayıb.
Cümə axşamı London birjasında Shell səhmləri 0,3% bahalaşıb. İlin əvvəlindən şirkətin kapitallaşması 1,1% artaraq 166,45 milyard funt-sterlinqə (212,7 milyard dollar) çatıb.
