Müəllif - Fərid İslamov/Banco.az
Qualcomm dekabrın ortalarında işçilərin 2,5%-ni ixtisar etməyi planlaşdırır.
Banco.az-ın verdiyi məlumata görə dünyanın ən böyük yarımkeçirici komponentlər istehsalçılarından biri olan Amerikanın Qualcomm Inc., Kaliforniyada bəzi iş yerlərini ləğv etməklə işçi qüvvəsinin 2,5%-ni ixtisar etmək niyyətindədir.
İstehsalçı tənzimləyici orqanlara müraciətində bildirib ki, şirkət Qualcomm-un baş qərargahının yerləşdiyi San Dieqoda 1064 işçini, dekabrın 13-də isə Santa Klarada daha 194 işçini işdən çıxaracaq.
Hazırda şirkətdə dünya üzrə 51 min nəfər çalışır.
Avqust ayında Qualcomm üçüncü maliyyə rübü üçün xalis mənfəətin iki dəfə azaldığını göstərən hesabatları dərc etdi. Eyni zamanda istehsalçının gəliri 23% azalıb və analitiklərin gözləntilərini doğrultmayıb. Eyni zamanda, şirkət yaranmış çətinlikləri aradan qaldırmaq üçün restrukturizasiya planlarını açıqladı.
2023-cü ilin əvvəlindən Qualcomm-un kapitallaşması 1,4%, Nasdaq Composite İndeksi isə 29,7% artıb.
