Müəllif:Ayşən İmanova/Banco.az
Dünyanın ən böyük proqram təminatı istehsalçılarından olan, Amerikanın “Oracle” şirkəti, önümüzdəki 10 il ərzində İspaniyada süni intellekt və bulud hesablamalarına 1 milyard dollardan çox sərmayə qoymağı planlaşdırır.
Banco.az xəbər verir ki, bu, “Oracle”ın Madriddəki üçüncü bulud mərkəzi olacaq və şirkət bu layihə çərçivəsində “Telefonica Espana” ilə əməkdaşlıq edəcək.
İnvestisiya müştərilərə, o cümlədən böyük maliyyə xidmətləri sektorunun nümayəndələrinə, kritik iş yüklərini məlumat mərkəzlərindən yeni Oracle Bulud İnfrastrukturuna (OCI) köçürməyə imkan verəcək.
Şirkət bildirib ki, sərmayə ölkədə süni intellekt və bulud xidmətlərinə sürətlə artan tələbatın ödənilməsinə, həmçinin bütün Avropada süni intellektə əsaslanan xidmətlərin inkişafına təkan verəcək.
Bizi sosial şəbəkələrdən izləyin!!
