Müəllif: Tamara Mustafayeva, Banco.az
İngiltərədə işsizlik nisbəti 4,4 faizə qədər artıb.
Banco.az xəbər verir ki, Böyük Britaniyanın Milli Statistika İdarəsi (ONS) fevral-aprel aylarını əhatə edən dövrün əmək bazarına dair məlumatları açıqlayıb.
Məlumatlar göstərir ki, ölkədə işsizlik illik və rüblük artımla fevral-aprel dövründə 4,4 faizə çatıb.
Məşğulluq nisbəti isə 74,3 faizə düşüb.
Böyük Britaniyada işçilərin bonuslar nəzərə alınmadan müntəzəm maaşlarının illik artımı bu dövrdə 6 faiz, bonuslar daxil olmaqla isə 5,9 faiz olaraq hesablanıb.
İşsizlik məlumatları əmək bazarının soyumağa davam etdiyini göstərsə də, maaş artımı olduğu kimi qalır.
Qeyd edək ki, maaş artımları İngiltərə Mərkəzi Bankının faiz dərəcəsi qərarları üçün mühüm əhəmiyyət daşıyır.
Bizi sosial şəbəkələrdən izləyin!!
