Müəllif: Gülnar Əhmədli, Banco.az
Şəxsi inkişaf kitabları gündəlik həyatda geniş istifadə olunur. Müasir dövrdə fərdi inkişaf hər şeydən önəmlidir. Bu məqalədə sizin üçün tətbiq edilə bilən metodlar təklif edən, elm tərəfindən dəstəklənən məlumatlara əsaslanan və eyni dərəcədə təsir edici olan şəxsi inkişaf kitablarından bir neçəsi barədə qısa məlumat hazırlamışıq.
1. Emosional zəka – Daniel Qoulman
Psixologiya sahəsinə başqa bir perspektiv gətirən Dr. Daniel Qoulman "Emosional zəka" adlı kitabında niyə EQ anlayışının IQ-dan daha vacib olduğunu izah edir. Bir çox pedaqoqların üstünlük verdiyi bu kitabda çox tutarlı bir məqam var. Fərdlərin emosional zəka səviyyələrinin birbaşa demokratiya ilə əlaqəli olduğu vurğulanır.
2. Ağıllı yaşama sənəti – Baltazar Qrasian
Əsrlər boyu insanları iş və şəxsi həyatda uğur qazanmağın yolları haqqında maarifləndirən "Ağıllı yaşam sənəti" fəlsəfə kitabı 17-ci əsrdə ispan keşiş Baltazar Qrasian tərəfindən yazılıb. Bu kitab bəşəriyyətə liderlik, dostluq və emosional idarəetmə kimi bir çox mühüm mövzularda yol göstərir.
3. Hər şey səninlə başlar – Mümin Sekman
Satış rekordları qıran "Hər şey səninlə başlar" kitabının müəllifi Mümin Sekmanın iddiasına görə, insanlar çarəsiz qalmağı öyrəndikləri kimi müvəffəqiyyətli olmağı da öyrənə bilərlər. Yeni bir həyat üçün lazım olanın yeni bir ağıl olduğunu söyləyən Mümin Sekman küləyi günahlandırmaqdan əl çəkməli, yelkənlərdən istifadə etməyi öyrənməli olduğumuzu vurğulayır.
4. 59 saniyə – Riçard Vayzman
Hər kəsin danışdığı özünü təkmilləşdirmə kitablarından və onların klişelərindən bezmisinizsə, sizin üçün həkim resepti kimi olacaq "59 saniyə" adlı kitabı oxumalısınız. Tamamilə elmi araşdırmalara əsaslanan bu kitab çalışqan və ağıllı insanlar üçün əla seçimdir.
5. İnsan mühəndisliyi – Nüvit Osmay
Nüvit Osmayın müəllifi olduğu "İnsan mühəndisliyi" kitabının çox zəngin məzmunu nəzərə alınmaqla ən çox istinad edilən əsərlərdən biri olduğunu söyləmək düzgün olar.
6. Yaxşı hiss etmək – Devid Börns
Psixiatr Devid Börns sizə həyata daha müsbət baxış bəxş etmək üçün emosiyalarınızı stimullaşdırmaq üçün elmi cəhətdən sınaqdan keçirilmiş üsullar təklif edir. Bu kitab sizə günahkarlıq, heç bir şey etməmək hissinin öhdəsindən gəlməyə və kimdənsə razılıq gözləmə asılılığından xilas edərək özünə inamınızı artırmağa kömək edəcək son dərəcə əhəmiyyətli bir mənbədir.
Bizi sosial şəbəkələrdən izləyin!!
