2014-cü ildə Azərbaycan əhalisinin nominal pul gəlirləri 39 mlrd. 360,7 mln. manat təşkil edib ki, bu da 2013-cü ilin göstəricisindən 4,8% çoxdur. Bu barədə Dövlət Statistika Komitəsinin (DSK) saytında məlumat verilir.

Statistik məlumatlara əsasən, hesabat ilində əhalinin hər nəfərinə düşən nominal gəlirlər 3,5% artaraq 4180,5 manat və ya ayda orta hesabla 348,4 manat təşkil edib.

2014-cü ildə gəlirlərin 68,8%-i son istehlaka, 8,7%-i vergi, sosial sığorta və üzvlük haqlarının ödənilməsinə, 2,5%-i kreditlər üzrə faizlərin ödənilməsinə, 20%-i isə əmanətlərə və kapitalın artırılmasına yönəldilib.

Bütün vergilər ödənildikdən və digər icbari ödənişlər həyata keçirildikdən sonra əhalinin sərəncamında 35 mlrd. 924,8 mln. manat qalır ki, bu da 2013-cü ilin göstəricisindən 5,1% çoxdur.

interfax.az