Müəllif: Ayşən İmanova, Banco.az
“Volkswagen Group” Amerikanın elektrik avtomobil istehsalçısı “Rivian”a (RIVN) investisiyasını 16% artıraraq 5,8 milyard dollara çatdırıb.
Banco.az xəbər verir ki, bu barədə “Reuters” məlumat yayıb.
Məlumata görə, artan sərmayə şirkətlərin İllinoys ştatında elektrikli avtomobillər üçün arxitektura və proqram təminatı hazırlamaq üçün birgə müəssisə açması ilə əlaqədardır. Nəticədə, 11 milyard dollardan çox dəyərində olan “Rivian” səhmləri ticarətdə təxminən 9% bahalaşıb.
Qeyd olunur ki, birgə müəssisə alman avtomobil istehsalçısına yarandığı gündən gecikmələr və itkilərlə üzləşən öz proqram təminatı bölməsi “Cariad” ilə bağlı problemləri həll etməyə kömək edəcək. “Rivian” ilə birgə zavod Kaliforniyanın Palo Alto şəhərində yerləşəcək və daha üç sahə inkişaf mərhələsindədir.
Xatırladaq ki, iyun ayında “Volkswagen” “Rivian”a 5 milyard dollar sərmayə qoyacağını açıqlamışdı. Bu, elektrik avtomobillərinə tələbatın azalması fonunda ucuz R2 SUV-ni bazara çıxarmağı hədəfləyən gəlirsiz elektrik avtomobil startapı üçün həyat xətti oldu.
Qeyd edək ki, R2, “Rivian”ın alman şirkəti ilə birlikdə hazırladığı yeni proqram təminatına malik ilk avtomobil olacaq. Avtomobil 2026-cı ildə satışa çıxarılacaq.
Bizi sosial şəbəkələrdən izləyin!!
