Müəllif:Ayşən İmanova/Banco.az
Çinin "Deep Blue Aerospace" kosmik şirkəti 2027-ci ildə planlaşdırılan kosmik səyahət üçün ilk iki bileti satıb.
Banco.az xəbər verir ki, bu barədə Honkonqun "South China Morning Post" (SCMP) nəşri yazıb.
Bildirilib ki, ilk sərnişinlər təxminən 12 dəqiqə davam edəcək səyahətə çıxacaqlar və bu səfər zamanı onlar kosmosda azı 5 dəqiqə çəkisizlik yaşayacaqlar.
Nəşrin məlumatına görə, bu qısa səyahət zamanı turistlər Yerə qayıtmazdan əvvəl açıq kosmosda təxminən beş dəqiqə çəkisizlik şəraitində qalacaqlar.
Qeyd olunub ki, hərrac Çinin "Taobao" onlayn mağazasında canlı yayım zamanı keçirilib və biletlər dörd dəqiqə ərzində satılıb. Biletlərin qiyməti təxminən 1.5 milyon yuan və ya hər biri 210 min dollar təşkil edib. Şirkət noyabr ayında daha bir neçə bilet satmağı planlaşdırdığını bildirib.
