Müəllif: Tamara Mustafayeva, Banco.az
Çin Nepala yeni enerji vasitələrinin ixracını 6 dəfə artırıb.
Banco.az xəbər verir ki, Çinin cənub-qərbindəki Xizanq Muxtar Bölgəsində gömrükdən ixrac edilən yerli istehsal yeni enerji vasitələrinin sayı 2024-cü ilin birinci rübündə əvvəlki ilin eyni dövrü ilə müqayisədə altı dəfədən çox artaraq 1623 ədədə çatıb.
Bu barədə yerli rəsmilər bazar günü açıqlama verib.
Açıqlamada qeyd olunur ki, ixrac edilən bütün avtomobillər Nepala satılıb. Bu nəqliyyat vasitələrinin 90 faizindən çoxu sedan və kiçik minik avtomobillərindən ibarət olub.
Qeyd edək ki, Çin istehsalı olan məhsulların yüksək keyfiyyəti və münasib qiymətləri sayəsində son illərdə Nepala yeni enerji vasitələrinin ixrac həcmi əhəmiyyətli dərəcədə artmaqdadır.
Bizi sosial şəbəkələrdən izləyin!!
