Müəllif: Tamara Mustafayeva, Banco.az
Almaniya 1870-ci illərə aid ölkənin ikinci ən böyük bankı olan “Commerzbank”ın səhmlərini satmağa başlayıb.
Banco.az xəbər verir ki, satışların başlaması ilə İtaliya nəhəngi “UniCredit” Avropa bank mühitini kökündən dəyişdirəcək bir addım atıb.
Belə ki, “UniCredit” çərşənbə günü “Commerzbank”ın 9 faizlik səhmlərini aldığını və bununla da bankın ikinci ən böyük investoru olduğunu açıqlayıb.
Digər tərəfdən, İtalyan bankı lazım gələrsə, payını 9,9 faizdən yuxarı qaldırmaq üçün müraciət edəcəyini də bildirib.
"UniCredit hər iki bankda bütün maraqlı tərəflər üçün dəyər yaratmaq imkanlarını araşdırmaq üçün Commerzbank AG ilə əməkdaşlıq edəcək", - bəyanatda deyilir.
Qeyd edək ki, “UniCredit” hazırda Almaniyada “Hypovereinsbank” kimi tanınan böyük bir bankın sahibidir. “Commerzbank”ın alınmasının italyan kreditorunu korporativ və pərakəndə bankçılıqda güclü mövqeyə gətirəcəyi gözlənilir.
Bizi sosial şəbəkələrdən izləyin!!
