Tamara Mustafayeva, Banco.az
İrlandiya sahillərində yerləşən Horse (At) Adası 6.3 milyon dollara satılıb. Adı açıqlanmayan alıcı isə adanı görməyə belə getmədən onu satıb alıb.
İrlandiya sahillərində yerləşən 157 kvadrat metr sahəsi olan Horse Adası 6.3 milyon dollara alıcı tapıb.
Satış prosesini icra edən daşınmaz əmlak agentliyi "Montague Real Estate" tərəfindən edilən açıqlamaya görə, adı açıqlanmayan Avropalı alıcı ilə razılaşmalar WhatsApp platforması vasitəsilə həyata keçirilib. Belə ki, şirkət alıcı şəxsə sözügedən adanın video görüntülərini göndərib və alıcı da adanı ziyarət etmədən alqı-satqı prosesi baş tutub.
Qeyd edək ki, sözügedən adada 19-cu əsrdə mis mədənləri mövcud olmuş və həmin dövrdə adada insanlar məskunlaşmışdılar. Ancaq 1960-cı ildən sonra adada əhali sayı sıfıra düşüb. Hazırda isə ada 3 çimərlik sahəsi və 7 mənzildən ibarətdir. Adada həmçinin vertolyot meydançası və idman sahələri də mövcuddur.
Onu da qeyd edək ki, koronavirus pandemiyası multimilyonçuların adalara marağını daha da artırdı.
Həmçinin oxu: 13 mindən çox işçisi üçün VIRTUAL ADA yaradan şirkət
Bizi sosial şəbəkələrdən izləyin!!
