Xəbər verdiyimiz kimi, martın 14-də "Azərbaycan Beynəlxalq Bankı" ASC-nin Səhmdarlarının növbəti ümumi yığıncağı keçirilib.
İclasda Azərbaycan Respublikasının Dövlət Neft Fondunun İcraçı direktoru Şahmar Mövsümov bankın Müşahidə Şurasının sədri, maliyyə nazirinin müavini Emin Hüseynov, iqtisadiyyat nazirinin müavini Sahil Babayev və Azərbaycan Beynəlxalq Bankının İdarə Heyətinin sədri Xalid Əhədov Müşahidə Şurasının yeni üzvləri təyin olunub.
Diqqəti cəlb edən maliyyə nazirinin müavini Azər BayramovunMüşahidə Şurasının sədri vəzifəsindən getməsidir. Bu, Bankın birbaşa olaraq Maliyyə Nazirliyinin nəzarətində olmayacağı deməkdir.
Dövlət Neft Fondunun İcraçı direktoru Şahmar Mövsümovun Müşahidə Şurasının sədri təyin edilməsi maraq doğurur. Bu, Fondun Beynəlxalq Bankdakı depoziti ilə bağı ola bilər.
Ötən illərdə bəyan edilmişdi ki, Azərbaycan Dövlət Neft Fondu "Azərbaycan Beynəlxalq Bankı” ASC-yə illik 4%-lə 1 milyard dollar depozit yerləşdirib. Dövlət Beynəlxalq Bankın böyük məbləğdə xarici borclarını üzərinə götürüb, toksit aktivər isə "Azərkredit"ə ötürülüb. Son məlumata görə, Beynəlxalq Bankın ən böyük borcu Dövlət Neft Fondunadır. Bu borcun geri ödənilib-ödənilmədiyi barədə mətbuata məlumat verilməyib. Neft Fondunun Beynəlxalq Bankdan böyük məbləğdə alacağı olduğu üçün Şahmar Mövsümov Müşahidə Şurasının sədri təyin edilə bilər.
Dövlət Neft Fondunun Beynəlxalq Banka yatırdığı 1 milyard dollar depozit Azərbaycan Beynəlxalq Bankının "Xarici öhdəliklərin restrukturizasiyası planına" daxil edilmişdi. Bəyan edilmişdi ki, 1 milyard dollar depozit 3,3 milyard dollar öhdəliyə daxidir və bu borc da dövlətə ötürüləcəkdir. Lakin sonradan dövlətə təxminən 2,3 milyard dollar xarici öhdəliyin ötürüldüyü bəyan edildi. Belə çıxır ki, 1 milyard dollar depozit Beynəlxalq Bankda qalır.
Qeyd edək ki, Azərbaycan Beynəlxalq Bankı özəlləşdirməyə hazırlanır.
Marja.az
