Müəllif: Gülnar Əhmədli, Banco.az
Britaniya kral ailəsinin son dərəcə maraqlı bir həyatı olduğu hamıya məlumdur. Bununla belə, kral ailəsində çalışan onlarla insanın həyatı haqqında çox şey məlum deyil. Ancaq əsas vəzifəsi kral üzvlərinin həyatını asanlaşdırmaq olan bu insanların həm də çox maraqlı bir həyatı var. Xüsusilə də kral ailəsinin ən gənc üzvlərini böyütməkdən məsul olan dayələrin. Çünki Britaniya kral ailəsində işləmək istəyən dayələrin sahib olmalı olduğu bir çox keyfiyyətlər və ciddi şəkildə əməl etməli olduqları saysız-hesabsız qaydalar var. Üstəlik, bu xüsusiyyət və qaydaların hər biri digərindən daha maraqlıdır. Britaniya kral ailəsində işləyən dayələrin əməl etməli olduğu 7 maraqlı qayda və sahib olmaları lazım olan xüsusiyyətləri təqdim edirik.
1. Dayələr üçün gözəllik ikinci planda olmalıdır.
Britaniya kral ailəsində işləyəcək insanlarda axtarılan əsas xüsusiyyətlərdən biri də gözə çarpan dərəcədə gözəllikdə olmamaqdır. Təbii ki, bu şərt ailədəki dayələrə də aiddir. Bu səbəbdən dayələrin gözəllik rutinləri minimal olmalıdır. Həddindən artıq makiyaj və ya göz oxşayan saç düzümü qəti qadağandır.
2. Kral dayələrinə yalnız müəyyən geyimlər geyinməyə icazə verilir.
Kral ailəsinin ən kiçik üzvlərinə baxmağa cavabdeh olan dayələrin riayət etməli olduğu ciddi qaydalardan biri də geyimlə bağlıdır. Ailə ilə işləmək üçün İngiltərənin köklü dayə məktəblərində təhsil alan dayələrin paltarları ənənəvi olaraq təhsil aldıqları məktəblər tərəfindən verilir. Dayələr peşəkar həyatları boyu bu ənənəvi paltarları geyinirlər. Kral dayələrinin iş geyiminin əsasını sadə pastel rəngli paltarlar, papaqlar, əlcəklər və sadə ayaqqabılar təşkil edir.
3. Onlar yalnız gözə dəyməyən zinət əşyaları taxa bilərlər.
Kral dayələri parıldayan brilyantlarla, göz qamaşdıran taclarla və qiymətli daş-qaşlarla dolu kral saraylarında yaşayırlar. Lakin dayələrə çox sadə, kiçik və gözə dəyməyən zinət əşyaları taxmağa icazə verilir.
4. Yaxşı dayə olmaq üçün həm də yaxşı sürücü olmaq lazımdır.
Dayələr kral uşaqlarının tərbiyəsinə cavabdehdirlər. Ancaq bu, onların ailə qarşısındakı yeganə məsuliyyəti deyil. Kral dayələri də ailənin məxfiliyini qorumaq üçün əllərindən gələni etməlidirlər. Bu səbəbdən xüsusilə, gizlin foto çəkilişlərə tuş gəlməmək üçün üstün sürücülük bacarıqlarına sahib olmaları lazımdır.
5. Döyüşü də yaxşı bilməlidirlər.
Hər bir ailə istəyər ki, həmin şəxs öz övladına etibarlı və təhlükəli vəziyyətlərin öhdəsindən gələ bilən biri kimi əmanət etsin. Kral valideynləri də fərqli düşünmürlər. Dayələrdən hər hansı təhlükə zamanı kral övladlarını qoruması gözlənilir.
6. Üzməyi bilməyən dayələr kral ailəsi üçün işləyə bilməzlər.
Kral uşaqlarının nə vaxt və harada üzmək istəyəcəyini təxmin etmək asan deyil. Bu səbəbdən kral dayələri dayə xidmətləri ilə yanaşı, ailəyə peşəkar xilasedici xidmətləri də göstərməlidirlər.
7. Kral dayələri aşpazlıqdan tikişçiliyə qədər bir çox fərqli sahədə peşəkar biliklərə malik olmalıdırlar.
Əlbəttə, kral ailəsinin çoxlu aşpazları və çoxlu dərziləri var. Kral ailəsi ilə işləmək üçün xüsusi təlim keçmiş dayələr belə gündəlik işlərin öhdəsindən gəlmək üçün peşəkar səviyyədə biliyə malik olmalıdırlar. Buna görə də İngiltərədəki dayə məktəblərində kral ailəsi üçün çalışacaq dayələrə bir çox fərqli sahədə yüksək səviyyəli təlimlər verilir.
Bizi sosial şəbəkələrdən izləyin!!
