Müəllif: Tamara Mustafayeva, Banco.az
Beynəlxalq Enerji Agentliyi (BEA) 2024-cü il üzrə qlobal neft tələbatının artım proqnozunu bir daha azaltdığını açıqlayıb.
Banco.az xəbər verir ki, Beynəlxalq Enerji Agentliyi (BEA) aylıq hesabatında ABŞ, Avropa və Çindən gələn zəif iqtisadi məlumatlardan sonra 2024-cü ilə dair qlobal neft tələbi artımı proqnozunu aşağı salıb.
Agentlik öz hesabatında tələb artımı proqnozunun sutkada 100 min barel azalaraq 960 min barelə endirildiyini bildirib.
Qeyd edək ki, neftə tələbatın azalması və ehtiyat artımı “tədarük rahatlığı olan bazar”a işarə edir. Digər tərəfdən, quru ehtiyatları səkkiz aylıq azalmadan sonra apreldə 83,5 milyon barel artıb.
BEA həmçinin 2025-ci ildə qlobal neft istehlakının gündəlik 1 milyon barel artacağını proqnozlaşdırdığını açıqlayıb.
Bizi sosial şəbəkələrdən izləyin!!
