Noyabrın 1-nə ölkədə olan kredit kartlarının sayı 799 min ədədə çatıb.
Mərkəzi Bankın verdiyi xəbərə görə, ilin əvvəlindən kredit kartlarının sayında təxminən 2 dəfə artım qeydə alınıb.
Ümumiyyətlə, ölkədə olan cəmi ödəniş kartlarının sayı isə 5 363 min ədəd olub ki, bunun da 2 404 min ədədini sosial, 1 422 min ədədini əmək haqqı kartları təşkil edib.
Bildirək ki, 1 noyabr tarixinə olan məlumata əsasən, debet və kredit kartları ilə 901 mln. manat həcmində 6101 min əməliyyat həyata keçirilib. Bu isə əməliyyatların həcminin illik 13%-dən çox, sayının isə 19 % artması deməkdir.
gun.az
