Minimum həyat haqqında məqalələr dərc edən bir veb sayt uğurlu insanların adı ilə qəbul edilən "Capsule Wardrobe" ("Kapsül Dolabı") konsepsiyasının arxasındakı səbəbləri sıraladı.
Qərar mərhələsinin verdiyi zehni yorğunluqdan xilas olmaq - Hər gün əhəmiyyətli qərarlar almaq vəziyyətində qalan insanlar üçün həyatlarından "bu gün nə geyinsəm?" Kimi bir sualı çıxarmaq zehni rahatlıq təmin edərək gün içindəki məhsuldarlıqlarını artırır.
Barak Obamanın bir şərhi də bu fikri təsdiqləyir: "Bilirsiniz, yalnız boz və ya mavi kostyumlar geyinirəm. Mən almaq istədiyim qərarları azaltmağa çalışıram. Yemək ya da geyim mövzusunda düşünüb qərar almaq istəmirəm. Çünki bunlar xaricində qəbul etməli olduğum bir çox qərar var".
Mark Zuckerbergin də bənzər bir bəyanatı var. Səhərlər mənasız bir qərara vaxt itirmək yerinə daha əhəmiyyətli şeylər üzərində daha yaxşı qərar verməyə imkan tanıdığını söyləyir.
Vaxta qənaət etmək - Həyatımızdan bəzi şeyləri çıxarana qədər onların necə bir yük olduğunu başa düşə bilmirik. Ancaq sonra yeni və daha azad bir həyatla qarşılaşırıq. "Kapsül dolabı"nı mənimsəyən şəxslər səhərlər hazırlaşmağın daha sürətli, daha asan və məhsuldar bir hala çevrildiyini söyləyirlər.
Stressi azaltmaq - New Yorkda bədii rejissor olan Matilda Kahl həm zaman qənaəti baxımından həm də zehni yorğunluq baxımından bu seçimə yönəldiyini söyləyir ancaq xüsusilə səhər nə geyəcəyi mövzusunda qərar vermək məcburiyyətində qalmadığı üçün bunun stresindən xilas olmanın bütün gününə müsbət əks olunduğunu ifadə edir. Kahl bildirib ki, indi yalnız ipək ağ köynək və qara şalvar ilə daha az stress çəkir.
Simvol olmaq - New Yorkda yaşayan müəllif Alice Gregory, hər gün eyni şeyi geyinməyin bir xarakter yaratdığını söyləyir. "Şəkilli hekayə kitablarında hekayənin sonuna qədər qəhrəmanların paltarları eyni qalar. Uniformalar kimi geyinmə vərdişi əldə etmək artıq dəbdən düşmüş deyil, məşhur hiss etməyin daha hesablı və asan yolu" deyərək düşüncəsini açıqlayır.
Enerjini boşa xərcləməmək - New York Timesin xəbərinə görə, 21-ci əsrin ən müvəffəqiyyətli filmlərinə imza atan İngilis rejissor Christopher Nolan, hər gün nə geyəcəyini düşünməyin boşa sərf edilən enerjidən başqa bir şey olmadığını deyir. Qara şalvar, mavi köynək, pencək və hər gün geyə biləcəyi rahat bir cüt ayaqqabı Nolan'a kifayət edir.
Nizam təmin etmək - Dallasda yaşayan Dena Barahona adlı gənc bir ana, nizamsız şkafını necə minimal və çox məqsədli bir hala çevirdiyini izah edir. "Daha az bir seçim var, lakin artıq edəcəyim hər bir seçim üzərimdə möhtəşəm qalacaq'' deyir.
Daha az xərcləmək - "Kapsül dolabı"nın ən böyük faydası, şübhəsiz ki, lazımsız xərclərin qarşısını almaqdır.
Pərvanə Aslanova, Banco.az
