Müəllif: Tamara Mustafayeva, Banco.az
“Toyota”nın bazar dəyəri ilk dəfə 50 trilyon yeni (337 milyard dollar) keçib.
Banco.az xəbər verir ki, dünyanın ən böyük avtomobil istehsalçısı ümumilikdə maliyyə ili üçün mənfəət proqnozunu yuxarıya doğru nəzərdən keçirdikdən sonra şirkətin səhmləri çərşənbə axşamı sürətlə bahalaşıb.
Belə ki, yapon avtomobil istehsalçısı mart ayında başa çatan maliyyə ili üzrə əməliyyat gəlirləri proqnozunu 4,5 trilyon yendən 4,9 trilyon yenə yüksəltdikdən sonra bir səhminin qiyməti 4,8 faiz artaraq rekord həddə çatıb.
Xatırladaq ki, güclü satışlar və yenin məzənnəsinin zəifləməsi səbəbindən “Toyota”nın səhmləri ötən il 64 faiz artım göstərib.
Digər tərəfdən, nəqliyyat vasitələrinin əlaqəli təşkilatlar tərəfindən sertifikatlaşdırılması və sınaqdan keçirilməsi ilə bağlı cari problemlər narahatlıqları artırır.
Qeyd edək ki, ötən həftələrdə “Toyota” qısa müddət ərzində Çinin “Tencent” şirkətini geridə qoyaraq Asiyanın üçüncü ən dəyərli şirkəti olub.
Bizi sosial şəbəkələrdən izləyin!!
