Azərbaycan Respublikası Sahibkarlığa Kömək Milli Fondunun vəsaiti hesabına verilən kreditlər Azərbaycan Respublikasının sosial-iqtisadi inkişafının prioritet istiqamətləri üzrə sahibkarlıq subyektlərinin investisiya layihələrinin maliyyələşdirilməsinə yönəldilir.

Sahibkarlıq subyektlərinə Fondun vəsaitindən aşağıdakı hədlərdə güzəştli kredit verilə bilər:

1. 5 000 manatdan 50 000 manatadək – kiçikhəcmli kreditlər;
2. 50 001 manatdan 1 000 000 manatadək – ortahəcmli kreditlər
3. 1 000 001 manatdan 10 000 000 manatadək – böyükhəcmli kreditlər.

Hər bir sahibkarlıq subyektinin Fondun vəsaiti hesabına aldığı güzəştli kreditin (o cümlədən bir investisiya layihəsi üzrə) maksimum həddi 10 000 000 manatdan artıq ola bilməz.

Fondun güzəştli kreditlərinin müddətləri aşağıdakı kimi müəyyən edilir:

• kiçikhəcmli kreditlər üçün - 3 (üç) ilədək;
• ortahəcmli kreditlər üçün - 5 (beş) ilədək;
• böyükhəcmli kreditlər üçün - 10 (on) ilədək.

Fondun kreditlərinin illik faiz dərəcəsi 1 faiz, müvəkkil kredit təşkilatlarının tətbiq etdikləri illik faiz dərəcəsi isə 4 faizdən artıq olmamaq şərti ilə, ümumilikdə güzəştli kreditlərin illik faiz dərəcəsi 5 faizədək müəyyən edilir.

Banco.az olaraq, Fondun vəsaiti hesabına SKMF kreditlərini təklif edən bank və kredit təşkilatlarını aşağıda sizə təqdim edirik:

Qeyd. Cədvəl Sahibkarlığa Kömək Milli Fondunun saytına əsasən təqdim olunur.