Müəllif: Gülnar Əhmədli, Banco.az
"Paşa Sığorta" şirkətinin hesabına bu ilin yanvar-avqust aylarında 207 milyon 881 min manat sığorta haqqı yığılıb.
Banco.az xəbər verir ki, bu barədə Azərbaycan Mərkəzi Bankının hesabatında qeyd edilib.
Məlumata görə, bu, 2022-ci ilin yanvar-avqust ayları ilə müqayisədə 54 milyon 378 min manat və ya 35,4% çoxdur.
Hesabat dövründə şirkətin sığorta ödənişləri isə illik müqayisədə 5 milyon 813 min manat və ya 12,1% artaraq 53 milyon 844 min manata çatıb.
Qeyd edək ki, ötən ilin eyni dövründə şirkətin yığımları 153,5 milyon manat, ödənişləri isə 48,1 milyon manat məbləğində olub.
Bizi sosial şəbəkələrdən izləyin!!
