Müəllif: Tamara Mustafayeva, Banco.az
“Fitch Ratings” prezident seçkilərindən sonra ABŞ-ın borc yükünün artacağını gözləyir.
Banco.az xəbər verir ki, beynəlxalq kredit reytinq agentliyi “Fitch Ratings” bildirib ki, noyabrda keçiriləcək prezident seçkilərindən sonra yaranan böyük ilkin kəsir kimin qalib gəlməsindən asılı olmayaraq, ABŞ-ın borc yükünün daha da artmasına səbəb olacaq.
Agentliyin bəyanatına görə, ABŞ prezident seçkilərindən sonra mümkün bölünmüş hökumət siyasətin formalaşmasını çətinləşdirməkdə davam edəcək ki, ölkədə maliyyə çətinliklərinin öhdəsindən gəlmək üçün siyasi iradə güclü deyil.
Bəyanatda həmçinin maliyyə məsələlərinin növbəti rəhbərliyin diqqət mərkəzində olacağı vurğulanıb.
Seçkilərdə kimin qalib olmasından asılı olmayaraq vergi endirimlərinin müddətinin uzadılması üçün təzyiqlərin yaranma ehtimalı vurğulanan bəyanatda qeyd olunub ki, 2025-ci ilin sonunda başa çatacaq 2017-ci il vergi endirimlərinin əksəriyyətinin uzadılması gözlənilir.
Bəyanatda eyni zamanda bildirilib ki, ortamüddətli dövrdə nominal ümumi daxili məhsul (ÜDM) artımının 3,7 faizə yaxın olacağı proqnozlaşdırılır.
Bizi sosial şəbəkələrdən izləyin!!
