Bu məqalədə ən çox qazandıran, yəni kəşbək (cash back) və  kartdakı qalıq məbləğə depozit faizi hesablayan debet kartlardan bəhs edəcəyik. Araşdırma həm sadə, həm də premium kartları əhatə edir. 

Həmçinin bax: Debet kartların balansındakı qalığa hesablanan depozit faizləri - YENİ 2022

Kəşbək xərclədiyiniz pulun bir hissəsinin balansınıza qayıtması prosesidir. Debet və ya kredit kartları ilə alış-veriş edərkən xərclənən məbləğin bir hissəsi və ya müəyyən faizi karta geri qayıdır. Bəzi banklarda isə ayrıca bonus şəklində toplanır. Həmin bonusları hər hansı məhsul və ya xidmətə dəyişmək olur. Faiz gəliri isə debet kartda olan məbləğin müəyyən faizinin balansın üzərinə əlavə olunur. Bunun üçün isə xərcləmək deyil, kartda pul saxlamaq kifayətdir.

Gəlin kartlarla yaxından tanış olaq. Əvvəlcə sadə kartların, daha sonra isə premium kartların qiymətlərinə nəzər yetirəcəyik. Ümumiyyətlə, bu debet kartların istifadə müddəti 1, 2, 3, 4 və ya 5 illik olur. Kartları 3 fərqli valyutada - manat, dollar və ya avro növlərini də əldə etmək mümkündür. Valyutaya görə bəzən qiymətlər və depozit faizləri fərqlənir. Bu baxımdan, onu da vurğulayaq ki, cədvəllərdəki məlumatlar AZN valyutalı kartlar üçün keçərlidir.

Cədvəldə müddətinə görə birdən çox sayı olan kartların qiyməti həmin müddətə uyğun olaraq ardıcıllıqla qiymətləri qeyd olunub. Nümunə: Expressbankın Expresso kartının qiyməti 5/10/15/20, müddətdə isə 1/2/3/4 il qeyd olunub. Bu 1 illik kartın qiyməti 5 AZN, 2 illik 10 AZN, 3 illik 15 AZN, 4 illik kartın isə 20 AZN olduğunu ifadə edir.

Növbəti cədvəl premium kartların qiymətlərini əks etdirir. Bura gold, platinum, infinite, black və elite kartları yer alıb. Bu kartlar digərlərindən bir çox üstünlüyünə görə fərqlənir(bunlardan ən əsası hava limanlarının biznes zallarından istifadədir ki, bundan qarşıda bəhs edəcəyik). Bu kartların üstünlükləri özünü qiymətlərdə də əks etdirir. Rabitəbankda isə bu kartları əldə etmək üçün nəinki illik ödəniş, həm də kartın xidmət haqqısını aylıq ödəmək imkanı təklif edir. Bank Visa İnfinite kartını əldə etmək üçün aylıq 29 AZN, Mastercard Blackda isə aylıq 19 AZN ödəməklə bu kartları əldə etmək olar.

Yuxarıdakı cədvəllərdə kartın qiymətlərinə nəzər yetirdik. Lakin onu da qeyd edək ki, bu kartların bəzilərini pulsuz da əldə etmək mümkündür. Bunun üçün karta pul mədaxil etmək kifayətdir. Mədadxilin məbləği isə kartın statusundan asılı olaraq dəyişir. Aşağıdakı cədvəldə bu kartları pulsuz əldə etmək üçün karta ilkin mədaxilin məbləğləri qeyd olunub.

İndi isə qazanc gətirən kəşbək hissəsinə gələk. Kəşbək kartdakı pulu xərclədikdə (nağdsız əməliyyatlarda) balansa geri qayıdan məbləğdir. Bu kartlara görə deyil, banklara görə  dəyişir ( istisna, Tamkart). Aşağıdakı cədvəldə bankların partnyor şəbəkəsində alış-veriş zamanı müştəriyə qayıdan kəşbək faizlərinin maksimum həddi qeyd olunub. 

Onu da əlavə edək ki, Rabitəbankın mobil tətbiqi vasitəsilə  3 cashback növündən birini istifadə edə bilərsiniz: YDM və restoranlar, supermarketlər və restoranlar və bütün ödənişlər. Bunların hər birinin özünəməxsus üstünlüyü var -YDM-lərdə 10%, restoranlarda 5%, marketlərdəm 5%, bütün ödənişlərdə isə 2% kəşbək qazanmaq imkanınız olur. Eyni zamanda, ay ərzində yığılan bu kəşbəkləri növbəti ayın 3-4 iş günü ərzində nağdlaşdırmaq  mümkündür. Həmçinin bunu Rabitəbanka məxsus karta da köçürmək mümkündür. Seçdiyiniz kəşbək sistemini ilk dəfə dəyişmək pulsuzdur.

Partnyorların saylarının çoxluğu kəşbək qazanmaq imkanını daha da artırır. Bu bankların partnyorlarının sayı ilə aşağıdakı cədvəldən tanış ola bilərsiniz.

Bəzi bank kartlarıda bankların əməkdaşlıq etmədiyi mağazalardan da alış-veriş etdiyiniz zaman kəşbək hesablanır. Bu faizlər yuxarıda qeyd olunanlara nisbətən aşağıdır.

Kəşbəkin miqdarı mağazanın bankın tərəfdaş olub-olmamasından asılı olaraq dəyişir. Daha ətraflı desək, bankın əməkdaşlıq etdiyi mağazada bu faizlər daha yüksəkdir. Bankların tərəfdaş mağazaları barədə ətraflı məlumatı aşağıdakı linklərdən əldə edə bilərsiniz.

Növbəti əsas məqam kartdakı qalıq məbləğə görə faizin hesablanmasıdır. Bu faiz illik hesablanaraq 360-a bölünərək gündəlik balansa əlavə olunur. Faizlər isə kartın statusu artdıqca çoxalır. 

Nə qədər nağdsız ödənişlər zamanı və ya kartda pulu saxlamaq qazanclı olsa da, nağd pula da ehtiyac olur. Bu cədvəldə yuxarıda qeyd etdiyimiz bank kartlarından nağdlaşdırma faizləri qeyd olunub.

 Premium kartların əsas üstünlüyü olan hava limanlarında biznes zallarından istifadə imkanları ilə tanış olaq. Biznes zallarından pulsuz istifadə sayı kartın statusundan asılı olaraq dəyişir.

 Kartları daha rahat idarə etmək üçün aplikasiyaların rolu əvəzsizdir. Bu səbəbdən bankların mobil tətbiqləri ilə tanış olmaqda fayda var.

Mobil tətbiqləri yükləmək üçün aşağıdakı siyahıdan istifadə edə bilərsiniz.

Sonda isə bəyəndiyiniz kartı əldə etmək üçün kartları aşağıda qeyd olunan linklər vasitəsilə sifariş verə bilərsiniz. Bundan əlavə bankların mobil tətbiqi vasitəsilə də kart sifariş etmək mümkündür.

İnfoqrafik: Tahir Əsgərli, Banco.az

Araşdırma: Tərlan Qəhrəmanova, Banco.az

Bizi sosial şəbəkələrdən izləyin!!

Facebook

Instagram

Telegram