Müəllif:Ayşən İmanova/Banco.az
Dubayda çəkisi 300 kiloqram olan qızıl külçə istehsal edilib.
Banco.az xəbər verir ki, bu barədə Dubay hökumətinin mətbuat xidməti “Dubai Media Office” məlumat yayıb.
Qeyd olunur ki, “Emirates Minting Factory” tərəfindən istehsal olunan külçə, Qiymətli Metallar Konfransının 2024-cü il bağlanış mərasimində təqdim edilib.
Tədbir çərçivəsində məhsul tarixin ən böyük qızıl külçəsi kimi Ginnesin Rekordlar Kitabına daxil edilib.
Qeyd edək ki, "Emirates Minting Factory" qiymətli metalların təmizlənməsi ilə məşğuldur və gündəlik 1 000-1 200 kq qızıl və gümüşü emal etmək və əritmək qabiliyyətinə malikdir.
