Müəllif: Tamara Mustafayeva, Banco.az
Çində telefon satışları ikirəqəmli artım göstərib.
Banco.az xəbər verir ki, dünyanın ən böyük smartfon bazarı olan Çində telefon satışları may ayında 22,6 faiz artaraq əvvəlki aylarla müqayisədə kəskin artım nümayiş etdirib.
Belə ki, telefon istehsalçıları mayın sonundan iyun ayına qədər davam edən endirimlərlə Çinin ikinci ən böyük alış-veriş festivalı olan 6.18-ə hazırlıq mərhələsində ötən ay 25,2 milyon telefon satışı həyata keçirib.
Çin İnformasiya və Kommunikasiya Texnologiyaları Akademiyasının məlumatına görə, bu rəqəm ötən ilin eyni dövrü ilə müqayisədə 4 milyondan çox artım deməkdir. Göstəricilər ölkənin zəifləyən mobil cihaz sənayesi üçün müsbət əlamət kimi şərh edilib.
Bununla belə rəsmi məlumatlar göstərir ki, daxili bazar uzun müddət davam edən tənəzzüldə ilişib qalıb və elan edilən son artıma baxmayaraq, yanvar-may ayları arasında 2,6 faiz daralma qeydə alınıb.
Bizi sosial şəbəkələrdən izləyin!!
