Müəllif: Gülnar Əhmədli, Banco.az
2023-cü ildə Azərbaycandan Almaniyaya köçürülmüş fiziki şəxslərin pul baratlarının həcmi cüzi artıb.
Banco.az bu barədə Azərbaycan Mərkəzi Bankına istinadən xəbər verir.
Məlumata görə, ötən il fiziki şəxslər tərəfindən Almaniyaya 2022-ci illə müqayisədə 1 milyon 319 min dollar və ya 5,9% daha çox pul köçürülüb.
Bununla da Almaniyaya köçürmələrin ümumi həcmi 23 milyon 601 min dollara yüksəlib. 2022-ci ildə bu göstərici 22 milyon 282 min dollar təşkil edib.
Qeyd edək ki, ötən il Azərbaycandan ən çox pulun köçürüldüyü birinci ölkə (26,6% payla) Türkiyə olub.
Bizi sosial şəbəkələrdən izləyin!!
