“Azərbaycan Sənaye Bankı” ASC 2019-cu ilin 1-ci yarısını 5 milyon 152 min manat xalis mənfəət ilə başa vurub. Ötən ilin 1-ci yarısı ilə müqayisədə Bankın xalis mənfəəti 2,2 dəfə artıb. Belə ki, 2018-ci ilin 1-ci yarısını “Azərbaycan Sənaye Bankı” 2 milyon 332 min manat xalis mənfəət ilə başa vurmuşdu.
GƏLİRLƏRİ ARTIB
2018-ci ilin 1-ci yarısı ilə müqayisədə 2019-cu ilin 1-ci yarısında “Azərbaycan Sənaye Bankı”nın faiz gəlirləri 777 min manat və ya 6,3% artaraq 13 milyon 45 min manat, qeyri-faiz gəlirləri isə 3 milyon 237 min manat və ya 2 dəfə artaraq 6 milyon 530 min manat təşkil edib.
2018-ci ilin 1-ci yarısı ilə müqayisədə 2019-cu ilin 1-ci yarısında “Azərbaycan Sənaye Bankı”nın faiz xərcləri 531 min manat və ya 8,3% artaraq 6 milyon 930 min manat, qeyri-faiz xərcləri isə 160 min manat və ya 2,8% artaraq 5 milyon 767 milyon manat təşkil edib.
Faiz və qeyri-faiz xərcləri xaric gəlir (əməliyyat mənfəəti) 3 milyon 555 min manatdan 6 milyon 878 min manata yüksəlib.
“Azərbaycan Sənaye Bankı” ilk 6 aydakı 6 milyon 879 min manat əməliyyat mənfəətinin 403 min manatını aktivlər üzrə mümkün zərərlərin ödənilməsi üçün xüsusi ehtiyatın yaradılmasına ayırıb (ötən il 615 min manat) və 1 milyon 324 min manat mənfəət vergisi ödəyib. Nəticədə Bank 2019-cu ilin 1-ci yarısını 5 milyon 152 min manat xalis mənfəət ilə başa vurub.
“Azərbaycan Sənaye Bankı”nın gəlirərinin xərclərindən daha çox artması, ehtiyatlara daha az ayırma etməsilə əlaqədar olaraq xalis mənfəəti kəskin artıb.
KREDİTLƏR VƏ DEPOZİTLƏR ARTIB
31 İyun 2019-cu il tarixində “Azərbaycan Sənaye Bankı” 916 milyon 160 min manat cəmi aktivlərə (o cümlədən 308 milyon 945 min manatı müştərilərə verilən kreditlər), 818 milyon 921 min manat öhdəliklərə (o cümlədən 651 milyon 633 min manatı depozitlər) və 97 milyon 238 min manat cəmi balans kapitalına malik olub.
31 Dekabr 2018-ci il tarixində “Azərbaycan Sənaye Bankı” 822 milyon 311 min manat cəmi aktivlərə (o cümlədən 285 milyon 949 min manatı müştərilərə verilən kreditlər), 730 milyon 282 min manat cəmi öhdəliklərə (o cümlədən 558 milyon 360 min manatı depozitlər) və 92 milyon 29 min manat cəmi balans kapitalına malik idi.
“Azərbaycan Sənaye Bankı” "Azərsun Holdinq"in bankı kimi tanınır.
Marja
