Müəllif:Ayşən İmanova/Banco.az
Almaniya 2000-ci ildən bəri 52 ölkənin ümumilikdə 15 milyard 800 milyon avro borcunu silib.
Banco.az xəbər verir ki, bu barədə Almaniyanın Federal Maliyyə Nazirliyinin hesabatında deyilir.
Məlumatda qeyd edilir ki, ən çox bağışlanan borc 4,7 milyard avro ilə İraqın borcudur. Edilən razılaşmalarla Nigeriyanın 2,4 milyard avro, Kamerunun isə 1,4 milyard avroluq borcu silinib.
Almaniya hökuməti 52 borclunun hər biri ilə onların borclarının yüngülləşdirilməsi prosedurunu tənzimləyən müqavilə imzalayıb.
Nazirlik həmçinin 70 ölkə və bölgənin 2023-cü ilin sonuna qədər Almaniyaya cəmi 12,2 milyard avro borcu olduğunu açıqlayıb. Federal Respublika qarşısında ən çox borc öhdəliklərinə Misir (1,5 milyard), Hindistan (1,1 milyard) və Zimbabve (889 milyon avro) malikdir.
Bizi sosial şəbəkələrdən izləyin!!
