Unibank müəssisələr üçün sərfəli əmək haqqı layihələrinin tətbiqinə başlayıb. İndi Unibanka müraciət edən sahibkarlar əmək haqqı layihələrində xeyli güzəştlər və üstünlüklər əldə edə biləcəklər. Unibank-ın Korporativ bank xidmətləri departamentinin rəhbəri Məcid Məmmədov bildirib ki, bu ilin əvvəlindən “Nağdsız hesablaşmalar haqqında” qanunun tətbiqi ilə əlaqədar nağdsız əmək haqqı sisteminə keçən müəssisələrin sayı kəskin artıb: “ Biz Unibank olaraq qərara aldıq ki, bu istiqamətdə iş adamlarına daha yaxından dəstək olaq. Hazırda bank tərəfindən korporativ müştərilərə əmək haqqı fondu və əməkdaşlarının sayına görə, cəlbedici əmək haqqı layihələri təklif edilir. Bu əmək haqqı layihələrində xüsusi güzəştlər nəzərdə tutulur. Unibank-ın universal bank olması şirkətlərlə yanaşı, onların əməkdaşlarına da yüksək səviyyəli xidmət göstərməyə imkan yaradan bir üstünlükdür. Minimum sənədləşmə, geniş filial və bankomat şəbəkəmiz, əmək haqqlarını ofisi tərk etmədən,təhlükəsiz internet bank xidmətimiz vasitəsilə ödəmə imkanı,bu istiqamətdə Unibank-la əməkdaşlığın maksimum rahat olmasını təmin edir”.
Unibank-ın əmək haqqı layihələrinin üstünlükləri bununla bitmir.Müəssisələrə profilinə uyğun individual əmək haqqı layihəsi təklif edən bank, layihə çərçivəsində hər bir əməkdaşa 3D secure təhlükəsizlik xidməti ilə təmin olunmuş kart verir. Əmək haqqının ALBALI PLUS debetlə təqdim olunması isə sahibinə bu kartın üstünlüklərindən (depozit funksiyası, 20%-dək cashback imkanı, partnyor mağazalarda endirimlər və s.) istifadə imkanı yaradır. Öz əmək haqqı kartlarını MDB-nin ən mükəmməl mobil əlavələrindən olan Unibank Mobile xidmətinə qoşmaq imkanı əldə edən müəssisə əməkdaşları,günün istənilən vaxtında kart hesabına nəzarət edə, ödənişləri həyata keçirə bilərlər. Əmək haqqını Unibank kartları ilə alan şirkət əməkdaşlarının bankda avtomatik tarixçəsi yaranır ki, bu da gələcəkdə həmin şəxsə minimum sənədləşmə və güzəştli faiz dərəcəsi ilə kredit rəsmiləşdirmək imkanı qazandırır.
Müəssisə sahibləri Unibankın əmək haqqı layihələrinə qoşulmaqla,çoxsaylı güzəştlərdən faydalanmaqla yanaşı, əlavə vaxt itkisindən və resurs cəlbindən azad olurlar. Əmək haqqı layihəsinə Unibankın bütün filiallarında qoşulmaq mümkündür.
Ətraflı məlumatı (012) 117 nömrəli telefondan, Bankın saytından (www.unibank.az ) və yaxud facebook və twitter səhifələrindən (www.facebook.com/unibank.az , https://twitter.com/unibank) əldə etmək olar.
Unibank- Biznesinizə daimi dəstək!
Unibank-hər kəsin bankı!
Unibank haqqında
Azərbaycanın iki aparıcı özəl bankı – “MBANK” (1992) və “PROMTEXBANK”-ın(1994) 2002-ci ildə birləşməsi nəticəsində fəaliyyətə başlayan Unibank, ölkədə ən iri maliyyə təsisatlarından biridir. Öz maliyyə göstəricilərinə görə, bank ölkə bank sektorunun liderləri siyahısına daxildir. Bank müxtəlif mülkiyyət formasına və fəaliyyət istiqamətlərinə aid olan 800 minə yaxın korporativ və fərdi müştərilərə xidmət göstərir. Dünyanın nüfuzlu maliyyə qurumlarından olan Avropa Yenidənqurma və İnkişaf Bankı (15,15% pay) və “DEG” Almaniya İnvestisiya Şirkəti (8,33% pay) Unibank-ın səhmdarları sırasındadır. Unibank tərəfindən iki törəmə müəssisə – “Unileasing” lizinq şirkəti və Unicapital İnvestisiya Şirkəti təsis edilib. Bankın paytaxtda və regionlarda geniş xidmət şəbəkəsi mövcuddur. Bank 24 illik fəaliyyəti dövründə uğurlu kommersiya fəaliyyəti və sosial layihələrdə iştirakına görə bir çox beynəlxalq və yerli təşkilatlar tərəfindən çoxsaylı mükafatlara layiq görülmüşdür.
