Hər kəs istər ki, bankda öz adına pul hesabı olsun. Pulunu sərbəst şəkildə özü yığa bilməyənlər üçün bank depozitləri çox əla fürsətdir. Əslində pulu evdə saxlamaq heç də sərfəli deyil. Çünki bankda olan pul daha güvənli və etibarlı əllərdədir, həm də pulunuzun artmaq imkanları vardır.

Həmçinin bax: Hansı bankın yığım əmanəti daha sərfəlidir? Yeni 2022

Ən sərfəli bank əmanətləri ilə buradan tanış ola bilərsiniz - http://banco.az/az/news/manatli-emaneti-daha-serfeli-olan-banklar

Gəlirləri əməkhaqqıdan asılı olan adamlar üçün yığım depozitləri çox gözəl imkan verir. Siz minimal bir məbləğ ilə bankda depozit açır, daha sonra aylıq əlavələr etməklə həmin məbləği artırırsınız.

Məsələn 500 manatla depoziti açır və hər ay əməkhaqqınızdan 100 manat ayırıb, həmin məbləğə əlavə edirsiniz.  Həmçinin əlinizə digər vəsait düşəndə də onu depozitinizin üstünə qoyursunuz. Depozitin müddətinə uyğun olaraq, həm ilk qoyduğunuz məbləğə, həm də əlavə yatırımlara faizlər hesablanır.

Nələrə daha çox fikir verməlisiniz:

• 1.İlkin depozit məbləği (əlinizdə nə qədər pul var)
• 2. Depozit faizləri ( 1 illik faiz nə qədərdir?)
• 3. Əlavə yatırımlarla bağlı şərtlər:
• 3.1. Ay ərzində neçə dəfə yatırım etmək olar?
• 3.2. Yatırımın maksimal və ya minimal məbləği
• 3.3. Yatırımlara nə qədər faiz hesablanır
• 3.4. Hansı müddətdən sonra yatırım etmək olmaz
• 4. Depozitin sığortalanması
• 5. Depozit əsasında kredit şərtləri
• 6. Depoziti vaxtından əvvəl götürdükdə faizlər

Bütün bu şərtlərin hər biri haqqında geniş danışmaq olar. Amma siz əsas nəzərə almalısınız ki, yığım əmanəti pulları yığaraq artırmaq üçün nəzərdə tutulan bil alətdir, ona görə bu zaman faizləri rüblük və ya aylıq götürmək haqqında düşünməyə dəyməz.

Əgər əlinizdə böyük məbləğ yoxdursa, onda minimal məbləğlə aşağıdakı banklarda yığım depoziti aça bilərsiniz. Həmçinin ay ərzindəki yatırımlarınızın məbləğinə diqqət yetirin (bəzi banklara hər ay əlavə yatırım etmək mütləq tələb olunmur, amma müştərini stimullaşdırmaq üçün AccessBank və Unibank kimi banklar əlavə bonus faizlər təqdim edir. Yəni öncədən planlaşdırılmış şəkildə məbləği artırdıqda, siz əlavə 1-2% bonus faiz qazanırsınız. 

Təbii ki, hər kəs öz əmanətini ən yüksək faizlə yerləşdirmək istərdi, amma bu zaman nəzərə alın ki, yalnız depozit faizi 10%-ə qədər olan əmanətlər sığortalanır.

Banco.az portalı sizə müxtəlif yığım əmanətlərini faizlərini müqayisə etmək və sonda əldə edəcəyiniz məbləği hesablamaq imkanı yaradır.

Bunun üçün aşağıdakı linkdən istifadə edərək, ürəyiniz istədiyi depoziti seçə və gəlirlərinizi hesablaya bilərsiniz.

Yığım əmanəti və depozit kalkulyatoru