Maliyyə Nazirliyinin Dövlət Sığorta Nəzarəti Xidməti “Era Trans Sığorta” ASC-nin lisenziyasını ləğv edib.
Bu barədə Maliyyə Nazirliyinin Dövlət Sığorta Nəzarəti Xidmətinin məlumatında deyilir.
Dövlət Sığorta Nəzarəti Xidməti tərəfindən “Era Trans Sığorta” ASC-də aparılmış yoxlama nəticəsində müəyyən olunmuş nöqsan və çatışmazlıqlarla əlaqədar cəmiyyətə sığorta fəaliyyətinə verilmiş lisenziyanın qüvvəsi Maliyyə Nazirliyinin 25.11.2014-cü il tarixli əmri ilə 6 ay müddətinə dayandırılıb.
ASC lisenziyasının qüvvəsinin dayandırılmasına əsas verən halların aradan qaldırılmasını müəyyən olunmuş müddətdə təmin etməməsi ilə əlaqədar, “Sığorta fəaliyyəti haqqında” Azərbaycan Respublikası Qanununun 107.1.2-ci maddələrinin tələblərinə uyğun olaraq, cəmiyyətə 2009-cu il iyunun 1-də sığorta fəaliyyətinə verilmiş lisenziya Maliyyə Nazirliyinin 09.06.2015-ci il tarixli əmri ilə ləğv edilib.
azertag.az
