Tamara Mustafayeva, Banco.az
NASA-nın "Perseverance" adlı kosmik aparatı Marsın səthinə eniş edib.
Banco.az xarici mətbuata istinadla bildirir ki, Amerikanın NASA kosmik agentliyi "Perseverance" adlı kəşfiyyat aparatının Marsa uğurlu eniş həyata keçirdiyini elan edib. 7 ay ərzində 470 milyon kilometr yol qət edərək Mars planetinə çatan kosmik aparat "Qırmızı Planet"də keçmişdən qalan həyat izlərini araşdıracaq.
1 ton ağırlığındakı sözügedən kosmik aparat Şərqi Amerikanın yerli vaxtı ilə 15:55-də Marsın Jezero kraterinə enib.
Qeyd edək ki, eniş missiyası NASA tərəfindən canlı yayımlanıb. Məsafə səbəbilə Marsın səthinə ilk ayaq basılma anının video kadrları təqribən 11 dəqiqəlik gecikməyə məruz qalıb.
Bizi sosial şəbəkələrdən izləyin!!
