Müəllif:Ayşən İmanova/Banco.az
Fransanın dövlət borcu üç illik azalmadan sonra yenidən böyüməyə başlayıb.
Banco.az xəbər verir ki, ikinci rübün sonunda bu göstərici ÜDM-in 113%-nə çatıb ki, bu da 2023-cü ilin sonundakı göstəricidən 2,4 faiz bəndi çoxdur.
Ölkənin müasir tarixində ən yüksək borc 2020-ci ildə 114,7% ilə qeydə alınıb, o zaman COVID-19 pandemiyası onu kəskin şəkildə 17,3 faiz bəndi artırıb.
Fransanın hazırkı prezidenti Emmanuel Makron dövlət borcunun artım tempinə görə ölkə liderləri arasında üçüncü yerdədir. Onun hakimiyyəti dövründə bu rəqəm 14,9 faiz bəndi artıb.
İkinci yer Nikola Sarkoziyə məxsusdur - onun dövründə ölkənin dövlət borcu ÜDM-ə nisbətdə 23,3 faiz bəndi artıb. Reytinqə 27,9 faiz bəndi artımla Fransua Mitteran başçılıq edir.
