Müəllif: Tamara Mustafayeva, Banco.az
"Morgan Stanley" gələn il neft bazarında tədarük artıqlığı olacağını gözləyir.
Banco.az xəbər verir ki, "Morgan Stanley" hazırda neft bazarında sıxlıq olduğunu, ancaq gələn il Brent markalı neftin qiymətinin 70 dollar aralığına düşməsi ilə bazarda tədarük artıqlığı proqnozlaşdırıb.
Bankın cümə günü yaydığı qeyddə deyilir ki, sıxlıq üçüncü rübün böyük hissəsində davam edəcək. Bununla belə, tarazlıq "mövsümi tələb azaldıqca və həm OPEC, həm də qeyri-OPEC-də təklif artım fazasına daxil olduqca" bərpa olunacaq.
"Morgan Stanley" OPEC və qeyri-OPEC ölkələrinin tədarükünün 2025-ci ildə gündəlik təxminən 2,5 milyon barel artacağını, bunun da tələbat artımından xeyli yüksək olduğunu bildirib.
Qeyd edək ki, "Morgan Stanley" 2024-cü ilin üçüncü rübü üçün Brent markalı neftin qiyməti proqnozunu dəyişməyərək 86 dollar/barel səviyyəsində saxlayıb.
Bizi sosial şəbəkələrdən izləyin!!
