“Bankların həddindən artıq gəlir götürdüyü barədə deyilənlər mifdir. Bankların həqiqi rentabelliyi 15 faizdir. Ancaq hesab edirəm ki, istehlak sahəsində bankların verdiyi kreditlər tam da əsaslı deyil. Mən bu tribunadan bankları sosial məsuliyyətə dəvət edirəm. Bu yaxınlarda bizim bank sektoru ilə geniş tərkibli toplantımız olacaq və bu məsələlər müzakirə olunacaq”.
Bu sözləri Milli Məclisin bugünkü iclasında çıxış edən Mərkəzi Bankın sədri Elman Rüstəmov deyib.
O bildirib ki, Mərkəzi Bankda maliyyə istehlakçılarının hüquqlarının müdafiəsi ilə bağlı da ayrıca şöbə yaradılıb: “Banklar çox vaxt müəyyən sistemlər vasitəsilə əhalidən həqiqi faizləri gizlətməyə çalışırlar. Banklardan bu gün tələb olunur ki, kredit faizləri ilə bağlı bütün xərcləri göstərsinlər və əhali görsün ki, bu faizlərin xərcləri nələrdir”.
E.Rüstəmov qeyd edib ki, bank faizlərinin yüksək olmasında başlıca məsələ kreditlərə tələbin yüksək olmasıdır.
lent.az
