Hər kəs istər ki, şəxsi mənzili olsun, heç kəsə yük olmadan, azad-müstəqil yaşasın. İnsanın müstəqilliyi ilk növbədə onun maddi müstəqilliyi ilə başlayır. Əgər özünü təmin edə bilirsənsə, kiminsə asılılığını qəbul etmək məcburiyyətində deyilsən.

Öz evinin olması da yəqin ki, hər bir gənc qızın və gənc oğlanın arzusudur. Bəs, Azərbaycan gerçəklikləri bu arzunu reallaşdırmağa nə  dərəcədə imkan verir? Ətrafımızda tikilən çoxsaylı yeni tikililərin boş qalmasını görürük. Təəssüf ki, maddi imkanlarımız mənzil almaq arzusunu adamın ürəyində qoyur. Yeganə çıxış yolu kimi “ipoteka kreditləri” görünür. Bu arzunu gerçəkləşdirmək üçün əvvəl stabil iş, prestijli müəssisə və yüksək əməkhaqqı arzularının gerçəkləşdirilməsi tələb olunur.

Təsəvvür edək ki, bunun öhdəsindən gəlmisiniz və artıq kredit götürməyə hazırsınız, bəs harada və hansı şərtlərlə?

Dövlət şərtləri ilə İpoteka Fondunun hesabına kredit almaq daha əlverişli olsa da, bu imkan o qədər də gerçək deyil. Sizdən öncə də müraciət edib, gözləyənlər vardır. Şərtlər daha ciddi və daha çətindir. Vəsait az ayrılır və tez də qurtarır.

Banklarımız öz daxili vəsaitləri hesabına da ipoteka kreditləri təklif edirlər. Faizlər nisbətən yüksək olsa da, bu kreditlərin əldə olunması daha rahatdır. Yetər ki, siz bankların tələblərinə uyğun olun.

Banklarda sizə qarşı hansı tələblər ola bilər:

Stabil gəlir, minimum bir il iş stajı (istisna hallarda 6 ay), yüksək əməkhaqqı;

Daha öncələr kredit tarixçəsinin korlanmaması;

Kredit alanın yaşı – kreditin başa çatması anında yaşı 65-dən çox olmayan şəxslər

Təminat kimi – zamin və girov olaraq daşınmaz əmlak (yeni alınan və ya öncədən olan mənzil)

Bir sıra banklarımız daxili vəsaiti hesabına ipoteka krediti verir. Aşağıda təqdim etdiyimiz dördlük isə hal-hazırda bu məhsul üzrə həm də aktiv reklam fəaliyyəti həyata keçirir. Bu isə həmin Bankda hazırda həmin məhsulun daha gündəmdə olması deməkdir.

Qeyd:

Bank Technique-dən aldığınız bu kreditlə yalnız “Park Azure” yaşayış kompleksində mənzil ala bilərsiniz.  

Azər-Türk Bankda kreditin maksimum həcmi 100 min manatdır, lakin Bankın Kredit Komissiyasının Qərarı əsasında kredit məbləği  200, 000 manatadək artırıla bilər və belə olduqda ilkin ödəniş məbləğin 30% həcmində olur.

Kreditlərin ödənişi annuitet sxemlə, bərabər hissələrlə həyata keçirilir.

Həmçinin digər bankların özəl ipoteka proqramına aid şərtləri də diqqətinizə təqdim etmək istərdik.

Könül Soltanova/Banco.az