Filial şəbəkəsinin həcminə görə bankların renkinqi

Filial şəbəkəsi - Bankların müştərilərə təqdim etdiyi xidmətlərin daha əlçatan olması baxımından olduqca əhəmiyyətli meyardır. Düzdür, filial sayının çoxluğu hələ xidmət keyfiyyətinin yüksəkliyinə dəlalət etmir. Filialların sayı kimi, ən vacib nüans işçi heyətinin peşəkarlığı, bank səriştəsi, personalın daima gülərüz olması və müştərini həqiqətən məmnun sala bilməsidir ki, bu zaman həm təklif olunan məhsul və xidmətlərin dəyəri, həm də onların keyfiyyəti mühüm rol oynayır.

Amma hamı istər ki, xidmət olunduğu bank filialı onun iş yerinə və ya yaşadığı yerə daha yaxın olsun. Lakin, onlayn bankçılığın və qabaqcıl texnologiyaların - ödəniş terminalları, “cash in” cihazları və müasir ATM-lərin inkişafı ilə şəhərlərdə bank filiallarının sıxlığına ehtiyac azalır. Lakin regionlardakı əhali hələ də maliyyə xidmətləri ilə yetərincə təmin olunmayıb.

Bununla yanaşı bankların öz filial şəbəkəsini genişləndirməsinə rəğmən ölkədə məcmu kapital tələbəni yerinə yetirə bilməyən banklar vardır ki, onların bağlanma ehtimalı hələ də aktualdır və bu da bank filiallarının sayında özünü mənfi cəhətdən göstərə bilər. Məsələn 2012-cü ildə iflas edən RoyalBank-ın kifayət qədər geniş filial şəbəkəsi var idi, hətta bu filiallardan bir neçə 24 saat müştərilərə xidmət göstərirdi. Beləliklə bir tərəfdən banklar filial şəbəkəsini genişləndirməyə çalışdığı halda, digər tərəfdən bəzi bankların sıradan çıxma ehtimalı filialların ümumi sayında təsirsiz ötüşməyəcək.

Sizi hal-hazırda Azərbaycanda fəaliyyət göstərən bankların filial şəbəkəsinin həcmi ilə tanış etmək istərdik.

Cədvəldə bankların Baş ofisləri nəzərə alınmamış, yalnız filial, şöbə və nümayəndəliklərin sayı əsas götürülmüşdür.

Bu sırada ilk pillədə Kapital Bank, daha sonra Beynəlxalq və Zamin Bank (filial və şöbələrin birlikdə sayına görə) gəlir. Əgər bank şöbələrini deyil, təkcə filial sayını əsas götürsək, onda bu sırada AccessBank yalnız Kapital Bankdan geri qalaraq, 2-ci pillədə yer alır.

Sıra	Bankın adı	Filial şəbəkəsi			Şöbə və nümayəndəlik			Toplam
Sıra	Bankın adı	Cəm	Bakı	Regionlar	Cəm	Bakı	Regionlar	Toplam
1	Kapital Bank	91	23	68	28	26	2	119
2	Beynəlxalq Bank	36	15	21	42	13	29	78
3	Zamin Bank	38	20	18	18	9	8	56
4	Bank Technique	32	19	13	16	9	7	48
5	AccessBank	40	15	25				40
6	Muğan Bank	33	23	10	7	2	5	40
7	Bank Respublika	33	11	22	2	2		35
8	Unibank	34	21	13				34
9	Dəmir Bank	32	13	19				32
10	Xalq Bank	23	5	18				23
11	Bank of Baku	23	15	8				23
12	AG Bank	23	16	7				23
13	Amrah Bank	21	13	8	1	1		22
14	Rabitə Bank	20	7	13	2		2	22
15	Ata Bank	19	10	9	2	1	1	21
16	Nikoil Bank	18	13	5				18
17	Para Bank	17	8	9				17
18	KredoBank	15	6	9				15
19	Bank of Azerbaijan	15	8	7				15
20	Yapı Kredi	13	11	2	2	2		15
21	Atra Bank	13	10	3	2	2		15
22	Ekspress Bank	14	6	8				14
23	Bank Standard	13	10	3				13
24	Turan Bank	12	6	6	1		1	13
25	AFB Bank	9	6	3	4	3	1	13
26	NBC Bank	11	7	4				11
27	Bank BTB	10	10					10
28	ASB Bank	9	5	4	1	1		10
29	Deka Bank	7	5	2	2	2		9
30	Bank Silk Way	5	3	2	1	1		6
31	United Credit Bank	5	3	2				5
32	Gəncə bank	3		3	2	1	1	5
33	VTB Bank	4	4					4
34	Azər Türk bank	4	2	2				4
35	Paşa Bank	3	3					3
36	Qafqaz İnkişaf Bankı	3	1	2				3
37	Bank Avrasiya	1		1				1
38	Naxçıvan Bank	1	1					1
39	AzərKredit Bank				1	1		1
40	GünayBank	Filial və şöbələri yoxdur
41	Bank Milli İran
42	EuroBank

Ən sərfəli kredit üçün müraciət et

Bankın filialı – hüquqi şəxs olmayan, bankın olduğu yerdən kənarda yerləşən, öhdəlikləri üçün bankın özünün məsuliyyət daşıdığı, banka icazə verilmiş bank fəaliyyətinin hamısını və ya bir hissəsini həyata keçirə bilən bankın ayrıca bölməsidir.

Bankın şöbəsi - hüquqi şəxs olmayan, bankın olduğu yerdən kənarda yerləşən, öhdəlikləri üçün bankın özünün məsuliyyət daşıdığı, onun respublika ərazisində depozitlər cəlb edən və/və ya köçürmə, hesablaşma-kassa əməliyyatları aparan ayrıca bölməsidir.

Bankın nümayəndəliyi – hüquqi şəxs olmayan, bankın olduğu yerdən kənarda yerləşən, bank fəaliyyəti ilə məşğul olmağa hüququ olmayan, yalnız onun mənafelərini təmsil və müdafiə edən bankın ayrıca bölməsidir

Könül Soltanova / Banco.az