Amerika Mərkəzi Bankı sədri Jerom Povel mətbuat konfransında ABŞ prezidenti Donald Trampın mövqeyinə zidd olaraq faiz artımını müdafiə edib.
Amerika Mərkəzi Bankının (FED) çərşənbə günü baş tutan mətbuat konfransında aşağıdakı başlıqlar vurğulanıb.
FED faiz qərarını iqtisadi gözləntilər ilə əlaqələndirir. Əmək bazarı daha da möhkəmlənib və iqtisadi inkişaf dinamikası yüksəkdir. İstehlak xərcləri və özəl sektorun investisiyalar çox artıb. İnflyasiya isə bankın 2%-lik hədəfi ətrafındadır.
- Cari il üzrə iqtisadi inkişaf proqnozları 2.8%-dən 3.1%-ə yüksəldilib. 2019-ci ildə isə gözləntilər 0.1% artırılmaqla 2.5%-lik inkişaf gözlənilir. 2020-ci il üzrə 2.0%-lik inkişaf proqnozları dəyişdirilməyib;
- Amerika qtisadiyyatı baxmayaraq ki, hər şey tam yaxşı deyil və hamı bundan fayadalana bilmir, güclüdür. FED də iqtisadiyyatı güclü saxlamaq üçün bütün imkanlardan istifadə edir. Bu səbəbdən də sonuncu faiz artımı da azdır və gələcəkdə də əlavə artımlara hazır olmaq lazımdır;
- Bununla yanaşı, bank sədri proteksionist siyasət fonunda narahatlığını bildirib. Hal-hazırda mənfi nəticələri müşahidə edilməsə də və zəif qiymətləndirilsə də uzun müddətli perspektivdə istiqamətinə vurğu edilib. Yüksək gömrük rüsumları fonunda şirkətlər narahatlıqlarını da FED-ə də bildiriblər, deyə Jerom Povel əlavə edib. Sədr burada getdikcə artan narazılıqdan danışıb və ümumilikdə mənfi hadisə kimi qiymətləndirib;
- Faiz qərarı açıqlamasında sərt monetar siyasətin iqtisadiyyata "dəstəkləyici", "uyğun"olması ifadəsinin çıxarılması da maliyyə bazarlarında gözlənilsə də Povel reaksiyaları zəiflətmək üçün monetar siyasətin iqtisadi inkişafı hələ dəstəklədiyini bildirib;
- Uzun müddətli faiz proqnozları da FED tərəfindən 2.9%-dən 3.0%-ə yüksəldilib. Bu neytral səviyyə hesab edilir ki, iqtisadiyyatı nə gücləndirir, nə də dayandırır. Bundan sonra siyasətin daha da sərtləşdiriləcəyinə dair suallar isə açıqdır;
- Mətbuat konfransı zamanı dünya valyuta birjalarında güclü dalğalanma olsa da bir istiqamət olmayıb. Lakin qiymətli kağızlar bazarlarında gəlirlilik azalıb və qiymətləri faiz qərarı öncəsi səviyyənin üzərində olub.
Məlumat Azərbaycanın İnvestAZ İnvestisiya şirkətinin tərəfindən hazırlanıb.
