Müəllif: Tamara Mustafayeva, Banco.az
Düyünün qiyməti 650 dolları keçərək 2008-ci ildən bəri ən yüksək səviyyəyə çatıb.
Banco.az xəbər verir ki, qlobal ərzaq qiymətlərindəki volatillik davam etsə də, düyünün qiymətində rekordlar silsiləsi müşahidə olunur.
Asiya və Afrikada kritik qida mənbəyi olan düyü qiymətlərindəki artımın inflyasiya təzyiqlərinə səbəb ola biləcəyi bildirilir.
Dünyanın ən böyük düyü ixracatçılarından biri olan Taylandda ağ düyünün qiyməti bir ton üçün 659 dollara çatıb. Bununla da, Asiyada göstərici hesab edilən düyünün qiyməti 2008-ci ilin oktyabrından bəri ən yüksək göstərici kimi qeydə alınıb.
Qeyd edilir ki, yüksək tələb və təklif narahatlıqları qiymətlərə təsir edib. Hava şəraiti də hasilata təzyiq göstərərək qiymətlərin artmasına səbəb olub. Hindistanın ixracı məhdudlaşdırmaq qərarları da bu baxımdan rol oynayıb.
Bizi sosial şəbəkələrdən izləyin!!
