"Bransonun buraxılmasına siyasətçilər qərar verə bilməz"

Türkiyə Prezidenti Rəcəb Tayyib Ərdoğan "Reuters" xəbər agentliyinə verdiyi müsahibəsində önəmli açıqlamalar verib. Ərdoğan keşiş Branson məsələsinə də toxunub.

"Asını çəkdiyiniz zat, terror təşkilatları ilə əlaqədə olduğu üçün həbs olunmuşdur. Sağlamlıq səbəbilə məhkəmə onun evə çıxmasına (ev həbsi) icazə vermişdir. 12 Oktyabrda məhkəməsi var. Məhkəmə nə qərar verəcəkdir, bunu bilmirəm. Buna siyasətçilər qərar verə bilməz. 12 Oktyabr gəlsin görəcəyik",-Ərdoğan deyib.

Qeyd edək ki, keşiş Endryu Bransonun həbs edilməsindən sonra ABŞ Türkiyəyə sanksiyalar tətbiq edib. Gərginlik ilə əlaqədar olaraq Türk Lirəsi də ucuzlaşıb.
Türkiyə Prezidenti əlavə edib ki, dövlət çevrilişinə cəhd göstərmiş FETÖ başçısı ABŞ-dadır: "ABŞ-da olan bu şəxs hazırda mühakimə olunmur. Biz dosyalarını göndərdiyimiz halda, mühakimə olunmur, ABŞ-dakı rəsmilər təəssüf ki, müqavimət göstərirlər. Türkiyə ilə ABŞ arasında cinayətkarların ekstradisiya müqaviləsi var. Buna baxmayaraq Fəthullah Güləni təhvil vermirlər. Branson hazırda ittiham olunur. Mühakimə olunan bir adama "buraxdım, get" deməyə nə mənim, nə də başqalarının səlahiyyəti var. Bu səlahiyyət hakimdədir. 12 Oktyabrda məhkəmə nə qərar verəcəkdir bilmirəm".

Ən sərfəli kredit üçün müraciət et

TÜRKİYƏYƏ SANKSİYALAR

Ərdoğan deyib: "Branson hadisənin bizim iqtisadiyyatımızla yaxından uzaqdan əlaqəsi yoxdur. Biz iqtisadi çətinliyi keçmişik, Türkiyə iqtisadi yaxşılaşma prosesinə girib. Hazırda iqtisadi çətinlik şişirdiləcək deyil. Türkiyə öz imkanları ilə bunu keçəcəkdir. Bunun Bransonla yaxından uzaqdan əlaqəsi yoxdur".

FAİZ ARTIMI

"Bu (faizin artırılması), Mərkəzi Bankın müstəqilliyinin bir ifadəsidir. Faizləri xeyli qaldırmışdır. Türkiyədə hər kəs bilir, mən yüksək faizə qarşı olan adamam. Yüksək faiz nisbətləri sahibkara, investorlara mənfi təsir edəcəkdir. Faizin aşağı olması lazımdır ki, istehsal olsun, məşğulluq olsun, ixracat olsun. Hazırkı vəziyyət (yüksək faizlər) bir həll olacağı istiqamətindədir. Mərkəzi Bank bu istiqamətdə qərar verdi. Ümid edirəm ki, bu qərar işə yarayar.Yüksək faiz də yüksək inflyasiya gətirir. Ümid edirəm ki, bunun əksi olacaqdır".

marja.az