Bankların onlayn konsultanları işə yarayırmı?

Onlayn məsləhət - sual, problem, şikayətlərinizlə bağlı fikirlərinizi yönəldə biləcəyiniz bir sistemdir. Bu bankın məhsul və xidmətləri haqqında ümumi məlumat ala biləcəyiniz bir xidmət kanalıdır. Bunu bir növ canlı dəstək kimi də qəbul eləmək olar. Bank nümayəndəsi sizi dinləyir (müraciətinizi oxuyur) və sizə doğru olan məlumatı çatdırır. Siz bunun üçün hər hansı bir məbləğ ödəmirsiniz, yerinizi dəyişmirsiniz və növbə üçün gözləməli olmursunuz (bəzən isə olursunuz).

Bəzən onlayn müraciətlər zamanı da hazırda heç bir operatorun sərbəst olmadığı deyilir və müraciətinizin cavablanması üçün bir az gözləməyiniz xahiş olunur. Lakin call-center xidməti ilə müqayisədə bu müddət daha az olur.

Onlayn məsləhətdən yararlanmaq üçün, Siz sadəcə bankın saytında müvafiq pəncərədə adınızı, soyadınızı və əksər hallarda e-mail adresinizi qeyd edirsiniz. Bəzi hallarda bu cür rəsmiyyət sizdən tələb olunmur. Müştərilər bunu vaxt itkisi hesab edir. Siz sayta daxil olaraq, dərhal online çatı aktivləşdirib, bank əməkdaşı ilə özünüzü təqdim etmədən ünsiyyət yarada bilirsiniz.

Aşağıdakı cədvəlimiz, sizə hansı bankda onlayın məsləhət xidmətinin aktiv olması ilə yanaşı, həm də ünsiyyətə başlamaq üçün özünü təqdim etməyə ehtiyac olub-olmadığını aydınlaşdırmağa icazə verəcək.

Bank	Xidmətin adı	Müraciət üçüb tələb olunur	Əlavə xidmət
AGBank	Onlayn müraciətlərin forması (yazılı müraciət)	Ad və Soyad, email
ASB Bank	Onlayn məsləhət xidməti	Ad və Email
Atra Bank	Onlayn məsləhətçi	Ad və email
Azər-Türk Bank	Onlayn məsləhətçi	Hazırlanmaq üzrədir
Bank BTB	Onlayn Konsultant	Ad və Soyad, email
Bank of Baku	Bizə yazın, biz xətdəyik	Ad və Soyad, email	Sizə zəng edək?
Bank Respublika	Onlayn konsultasiya	Heç bir məlumat tələb olunmur	Zəng sifarişi
Bank Standard	Onlayn məsləhətçi	Heç bir məlumat tələb olunmur	Sizə zəng edək
Bank Technique	Online Bank Technique	Ad və Email
Beynəlxalq Bank	Online məsləhət	Heç bir məlumat tələb olunmur	Randevü Xidməti Filialda görüşünüzü əvvəlcədən təyin edin
Dəmirbank	Onlayn Məlumat xidmətləri	İstifadəçi adı və elekton poçt	Skype (Bizə zəng et)
Kapital Bank	Sualınız Var? Onlayn məsləhətçi	Ad, soyad və email
Kredo Bank	Bizimlə əlaqə (yazılı müraciət)	Ad, soyad və email
NBC Bank	Onlayn konsultasiya	Heç bir məlumat tələb olunmur
Nikoil Bank	Onlayn çat	Heç bir məlumat tələb olunmur
ParaBank	ONLİNE KONSULTANT	Bu forma üzərində işlər gedir
Rabitəbank	Onlayn məsləhətçi	Heç bir məlumat tələb olunmur	Zəng sifarişi
Turanbank	Onlayn konsultasiya	Heç bir məlumat tələb olunmur	Skype
Unibank	Onlayn kunsultasiya	Ad və email
VTB Bank			Sual vermək Zəng sifariş etmək Elektron müraciət
Xalq Bank	Onlayn məsləhətçi	Heç bir məlumat tələb olunmur	Sizə zəng edək?

Ən sərfəli kredit üçün müraciət et

Araşdırma zamanı aşağıda adları çəkilən bankların saytlarına da nəzər saldıq, lakin sözü keçən xidmət onlarda aktiv deyil.

AccessBank, AFB Bank, AmrahBank, AtaBank, Bank Avrasiya, Bank of Azerbaijan, Bank Silk Vey, DekaBank, ExpressBank, GunayBank, GəncəBank, MuganBank, NaxçıvanBank, Qafqaz İnkişaf Bankı, Pasha Bank, ZaminBank, Yapı Kredi Bank Azərbaycan, United Credit Bank.

Onlayn konsultanlar bankla bağlı bir çox xidməti həyata keçirməyə imkan verir, suallarınızı cavablandırır, lakin bəzən onların səlahiyyətləri, Call center əməkdaşları ilə müqayisədə daha məhdudlaşmış olur. Amma təcrübə göstərir ki, onlayn konsultantlar sizin suallarınızı daha tez cavablandırır, vaxt itkisi az olur, çünki Müştəri xidmətləri mərkəzinə zəng etdikdə yönləndirmə və ya gözləmə müdddəti daha çox davam edir.