Sizi hər dəfə fərqli-fərqli araşdırmalarla təəccübləndirən banco.az komandası bu dəfə də maraqlı bir araşdırma etdi. Belə ki, ölkədə Bank olmayan kredit təşkilatlarının (BOKT) illik hesabatına əsaslanaraq onların kapitalı haqqında renkinq hazırladıq. Xatırladaq ki, bəzi BOKT-ların hesabatı saytında dərc olunmamsına baxmayaraq əlaqə saxlayıb öyrəndik. 

BOKT-ların nizamnamə (şərikli) kapitalının minimum miqdarı, onların formalaşdırdıqları ilkin əmlaka dair minimum tələblər Mərkəzi Bank tərəfindən müəyyən olunur. 

Qeyd edək ki, BOKT-ların cəmi kapitalı nizamnamə kapitalından fərqlidir. Onun tərkibindən əlavə olunmalar və çıxılmalar mövcuddur. BOKT-ların nizamnamə kapitalına dair isə minimum tələblər isə aşağıdakı kimidir. 

 - kommersiya hüquqi şəxs kimi yaradılan BOKT üçün - 300 min manat;

- qeyri-kommersiya hüquqi şəxs kimi yaradılan (fond) BOKT üçün - 30 min manat.