Özal Talıblı Seyfəddin oğlu “Bank of Baku”nun Xəzinədarlıq departamentinin direktoru vəzifəsinə təyin olunub.
Təhsil:
Özal Talıblı 2009-2013-cü illərdə Azərbaycan Dövlət İqtisad Universitetində (UNEC) İqtisadiyyat ixtisası üzrə bakalavr təhsili alıb. Daha sonra təhsilini Vyanada “Webster” Universitetində davam etdirərək maliyyə üzrə magistr dərəcəsini əldə edib.
İş təcrübəsi:
Özal Talıblı 10 ilə yaxın professional iş təcrübəsinə sahibdir.
Peşəkar karyeraya 2015-ci ildə Mərkəzi Bankda başlayıb və 2018-ci ilə qədər burada çalışıb.
2018-2020-ci illərdə iş fəaliyyətini “PAŞA Sığorta” şirkətində Analitik və İnvestisiyaların İdarə Edilməsi Xidmətinin rəhbəri kimi davam etdirib.
Daha sonra 3 il müddətində “PAŞA Həyat Sığorta”da İnvestisiya bölməsinin rəhbəri olaraq çalışıb.
Özal Talıblı “Bank of Baku”dakı təyinatına qədər “Azerpoçt” MMC-də Xəzinədarlıq departamentinin rəhbəri vəzifəsini yerinə yetirib.
Onu da qeyd edək ki, Özal Talıblı Azərbaycan Dövlət İqtisad Universitetində və Bakı Mühəndislik Universitetində pedaqoji fəaliyyətlə də məşğul olub.
