“Bank BTB” ASC 2019-cu ilin 1-cü rübü üzrə maliyyə göstəricilərini açıqlayıb.
2019-cu ilin yanvar-mart dövründə “Bank BTB”nin cəmi gəlirləri 6 milyon 641 min manat, cəmi xərcləri 6 milyon 362 min manat təşkil edib. Gəlirlər xərcləri üstələdiyindən Bankın 279 min manat əməliyyat mənfəəti yaranıb. “Bank BTB” ehtimal olunan depozit və kredit itkiləri üçün ehtiyatın yaradılmasına 2 milyon 966 min manat ayırdığından rübü 2 milyon 688 min manat zərər ilə bağlayıb. Ehtiyatın yaradılmasına ayrırmaya görə zərərin yaranması bankda vəziyyətin pis olduğu demək deyil. “Bank BTB”nin faiz və qeyri-faiz gəlirlərində artım müşahidə olunur. Bank gələcəkdə yarana biləcək risklərdən sığortalanmaq üçün tələblərə əsasən ehtiyat yaradıb.
Mühüm olan, “Bank BTB”nin gəlirlərinin artması, gəlirlərinin xərclərini ödəməsi və əməliyyat mənfəəti əldə etməsidir.
Müqayisə üçün qeyd edək ki, 2018-ci ilin yanvar-mart dövründə “Bank BTB”nin cəmi gəlirləri 5 milyon 394 min manat, cəmi xərcləri 5 milyon 425 min manat təşkil etmiş və 31 min manat əməliyyat zərəri yaranmışdı. Əvvəlki dövrlərdə yaradılmış ehtiyatın 329 min manatının azad olması hesabına həm əməliyyat zərəri bağlanmış, həm də 298 min manat xalis mənfəət yaranmışdı.
2018-ci ilin 1-ci rübü ilə müqayisədə “Bank BTB”nin faiz gəlirləri 1 milyon 97 min manat və ya 26,5% artaraq 5 milyon 239 min manat, qeyri-faiz gəlirləri isə 150 min manat və 11,9% artaraq 1 milyon 402 min manat təşkil edib.
31 Mart 2019-cu il tarixində “Bank BTB” 291 milyon 88 min manat cəmi aktivlərə malik olub. Aktivlərin 171 milyon 280 min manatını müştərilərə verilən kreditlər təşkil edib. 2018-ci ilin sonunda Bankın 314 milyon 773 min manat cəmi aktivlərinin 175 milyon 231 min manatını müştərilərə verilmiş kreditlər təşkil etmişdi. Cəmi aktivlər, müxbir hesabların və "Bank BTB"nin digər banklardakı depozitlərinin azalması ilə əlaqədar olaraq düşüb.
31 Mart 2019-cu il tarixində “Bank BTB” 52 milyon 222 min manat məcmu kapitala malik olub.
Marja
