Avtomobil kreditləri və banklarımızın təklifləri

Nəqliyyat vasitələri günümüzün ən vacib ehtiyacıdır. Belə ki, avtomobil alışı həm daha yaxşı nəqliyyat vasitəsi almaq istəyən sürücülər üçün, həm də avtomobili olmayan şəxslər üçün aktualdır. Bir çoxları üçün bunun optimal həlli avtomobili kreditə almaqdır. Banklar isə insanlara bu xidməti müxtəlif şərtlər altında təqdim edir.

Avto kredit vasitəsilə təzə və az işlənmiş avtomobillərin kredit yolu ilə alışı həyata keçirilir. Avto kreditin miqdarı və faiz nisbəti kredit verən banka, avtomobilin markasına, yaşına (yəni neçənci ilin istehsalı olmasına) görə dəyişməkdədir. Hal-hazırda Azərbaycanda avto kredit illik 17-30% arasında dəyişir.

İkinci əl və ya yeni avtomobil alınmasından asılı olaraq ilkin ödənişin miqdarı müxtəlifdir.

Yalnız TBC kreditdə avto kredit alınan zaman ilkin ödəniş tələb olunmur. (lakin verilən kreditin maksimum məbləği 15 000, əməkhaqqı tələbi isə minimum 600 AZN-dir).

Hal-hazırda avtomobil kreditlərində ilkin ödəniş olduqca yüksəkdir. Bu isə insanların avtomobil kreditinə marağını azaldır, belə ki, heç kəs avtomobilin 80% civarında məbləği özü tapıb, 20% miqdarda kredit almaq istəmir, çünki bu zaman həm əlavə sığorta xərcləri, həm də faiz xərclərini qarşılamalı olacaq.

Bank Respublika, Bank Standart, Bank of Baku-da ikinci əl avtomobillərin alışını kreditləşdirərkən, ilkin ödənişi avtomobilin 80% dəyərində tələb edir və yalnız 20% civarında kredit verə bilir.

Yeni avtomobillərdə isə avtomobilin qiyməti 30 000 manatdan az olduğu halda ilkin ödəniş məbləği 50% təşkil edir. Yox əgər, 30 000 manatdan çoxdursa, ilkin ödəniş məbləği 40% təşkil edir.

Ümumiyyətlə, avto kreditin sənədləşməsi zamanı tələb olunan şərtlər demək olar ki, eynidir.

Şəxsiyyət vəsiqəsi,
İş yerindən arayış (gəlirləri təsdiq edən digər sənədlər)
Yaş həddi 20-60,
Azərbaycan vətəndaşlığı.

İş yerindən arayış (gəlirlərin təsdiq edilməsi)

Mərkəzi Bankın qərarına əsasən müştərinin bankda olan kredit tarixçəsindən və əməkdaşlıq müddətindən asılı olmayaq, iş yerindən mütləq arayış təqdim olunmalıdır -

Kreditləşmə zamanı bəzi hallarda əlavə olaraq zamin tələb oluna bilər və təbii ki, alacağınız avtomobil bankda girov olaraq qeydiyyata salınacaq.

Demək olar ki, bütün banklarda kredit müddəti maksimum 60 aydır. Lakin, TBC Kredit-də bu müddət 36 aya qədərdir.

Şərtlərlə daha ətraflı cədvəldə tanış ola bilərsiniz.

Qeyd: hal-hazırda Bank VTB “Bank komissiyasına YOX deyək!” adlı yeni avto kredit aksiyaya start vermişdir.

Bank	Müddət	Məbləğ	İlkin ödəniş	İllik faiz dərəcəsi
VTB	48-60 ayadək	Yeni avtomobilin 50-60%-i, köhnə avtomobilin 20%-i	Yeni avtomobillərdə qiymətin 40-50%-i, köhnə avtomobillərdə 80% Ətraflı	15%
Bank Respublika	36 ayadək	Yeni avtomobilin 50-60%-i, köhnə avtomobilin 20%-i	Yeni avtomobillərdə qiymətin 40-50%-i, köhnə avtomobillərdə 80%-i Ətraflı	14-23%
Expressbank	6-36 ay	1000-50000 (azn,u sd)	Müraciət edilən avtosalondan asılıdır. Kredit bankın əməkdaşlıq etdiyi avtosalonlardan avtomobil alınarkən verilir Ətraflı	17%-dən başlayır
Yapı Kredi Bank	36 ayadək	Yeni avtomobilin 50-60%-i, köhnə avtomobilin 20%-i	Avtomobilin markasından asılı olaraq 30-50% 100.000 usd-ə qədər 30% ,100.000 usd-dən çox -50% Ətraflı	19-21%
DəmirBank	36 ayadək	50000 azn-dək	Yeni avtomobillərdə qiymətin 40-50%-i, köhnə avtomobillərdə 80%-i Ətraflı	20%-dən başlayır
AccessBank	60 ayadək	50000 (azn, usd)	Avtomobil qiymətinin minimum 10%-i Ətraflı	18-26%
NBCBank	36 ayadək	30000 azn-dək	Yeni və 1 ilə qədər olan avtomobillərdə - minimum 50% (30 000 AZN - ə qədər avtomobillər), min 40% (30 000 AZN və yuxarı) Ətraflı Partnyor аvto krediti \| Digər avto kredit	20%-26%
TBC kredit	36 ayadək	15000 azn	Tələb olunmur Ətraflı	24%
NİKOYL Bank	6-36 ay	2000-30000 azn	Yeni avtomobillər üzrə ilkin ödəniş 40-50%, yaşı 1 ildən çox olan avtomobillər üzrə 80% Ətraflı	23-24 %
Bank of Baku	12-60 ay	500-50000 (azn-usd)	Avtomobil dəyərinin 40-50%-i (yalnız yeni avtomobillər) Ətraflı	17-18%